Су шаруашылығы және жерге орналастыру» білім беру бағдарламасы
ksu@korkyt.kz +7242 26-27-14, Қабылдау комиссиясы +7242 23-53-92

Су шаруашылығы және жерге орналастыру» білім беру бағдарламасы

> «Су шаруашылығы және жерге орналастыру» білім беру бағдарламасы мамандарды келесі білім беру бағдарламалары бойынша даярлайды:  
Бакалавриат 
6B08674 - Су ресурстары және суды пайдалану;
6В08675 - Жерді мелиорациялау, баптау және қорғау;
6B07369 - Жерге орналастыру;
6B07368 - Кадастр.
Магистратура
7М08674 - Су ресурстары және суды пайдалану;
7М08675 - Жерді мелиорациялау, баптау және қорғау.
Докторантура
8D08675 - Жерді мелиорациялау, баптау және қорғау.
 
Біріккен / қосдипломды білім беру бағдарламалары бойынша даярлайды:
6B07368 – Кадастр;
6В08675 – Жерді мелиорациялау, баптау және қорғау.
 
«Су шаруашылығы және жерге орналастыру» білім беру бағдарламасы университеттің ғылыми Кеңесінің 2012 жылғы 31 тамыз күнгі шешімімен «Су шаруашылығы» және «Жерге орналастыру» кафедраларының бірігуімен құрылды. Кафедра меңгерушісі болып техника ғылымдарының  докторы, профессор Серікбай Иманбайұлы Қошқаров тағайындалды.
«Су шаруашылығы және жерге орналастыру» білім беру бағдарламасының негізін 1978 жылы Жамбыл гидромелиоративтік-құрылыс институты Қызылорда филиалы құрамында «Арнайы пәндер» кафедрасы атауымен құрылды. Білім беру бағдарламалары гидромелиорация және ауыл шаруашылығы құрылысы мамандықтары бойынша инженерлер дайындалып, алғашқы түлектер 1981 жылы бітіріп шықты.
«Жерге орналастыру» кафедрасы 1993 жылы наурыз айында «Сызба геометриясы және инженерлік геодезия» кафедрасының негізінде құрылды. Кафедраның алғашқы меңгерушілігіне техника ғылымдарының кандидаты Ерсін Әліпбайұлы Батырбаев тағайындалды.
2013-2014 жылдардан бастап «Су шаруашылығы және жерге орналастыру» кафедрасын т.ғ.к. Б.Р.Шаянбекова, а-ш.ғ.к. Б.С.Отарбаев, т.ғ.к. А.Т.Шегенбаев, т.ғ.к. Қ.И.Ақылбаев, т.ғ.к. Ш.М.Умбетова басқарды.
Қазіргі уақытта «Су шаруашылығы және жерге орналастыру» білім беру бағдарламасын ауыл шаруашылығы ғылымдарының кандидаты Отарбаев Бауыржан Сырмағамбетұлы басқарып келеді.
«Су шаруашылығы және жерге орналастыру» білім беру бағдарламасының профессор-оқытушылар құрамында: 3 ғылым докторы,  8 ғылым кандидаты, 4 философия докторлары (PhD), 4 магистр қызмет атқарып келеді.
 
 

Ғылыми-зерттеу жұмыстар


Білім беру бағдарламаның ғылыми бағыты: Арал өңірін экологиялық сауықтыру мәселерін шешуде жер-су ресурстарын қорғау мен тиімді пайдалану жолдарын зерттеу.

БББ профессор-оқытушылар құрамы ғылыми-зерттеу жұмыстарын жүргізіп, гранттық қаржыландырылатын жобаларға қатысуда.

2008-2011 жылдары профессор С.И.Қошқаров, Ә.Ә.Сағаев, аға оқытушы Қ.И.Ақылбаевтардың жетекшілігімен "Сырдария өзенінің төменгі ағысындағы диверсификациялық мәдени дақылдарды (соя, люцерна) суды үнемдеу технологиясымен суғару" тақырыбында үш кезеңмен жүргізілетін шаруашылық келісім негізінде ғылыми жұмыстар орындалды. Қаржыландыру көлемі жылына 600 мың теңгені құрады.

2012-2015 жылдары кафедра ғалымдары т.ғ.д., профессор С.И.Қошқаровтың жетекшілігімен, Қазақстан Республикасының білім және ғылым министрлігінің Ғылыми Комитеті қаржыландыратын, "Қызылорда облысының суармалы жүйесінде күрішті оптималды суару режимін экологиялық өңдеу" тақырыбында білім беру бағдарламасының магистранттары мен докторанттары қатысқан ғылыми зерттеу жобасы бойынша жұмыстар атқарылды. Қаржыландыру жылына 4 500000 тг құрады.

2012 жылы «Су шаруашылығы және жерге орналастыру» кафедрасының оқытушылары т.ғ.д., профессор Т.Қ.Қарлыхановтың жетекшілігімен "Арал теңізі бассейнінің қазақстандық бөлігінде су ресурстарын ықпалдастықпен басқару: Арал-Сырдария Бассейіндік Кеңесінің Тренингтік орталығы үшін бағдарламаны дайындау" тақырыбындағы Қазақстан Республикасындағы халықаралық жобаға қатысты. Қорқыт Ата атындағы Қызылорда мемлекеттік университеті, ауыл және су шаруашылығы мамандарының біліктілігін арттыру, ұлттық құрылымды күшейту, аймақтық су ресурстарына қатысы бар сұрақтар бойынша тренингтік орталықты құруға бағытталған Қазақстандағы "Аралды құтқару Халықаралық қорының атқарушы дирекциясы" және Арал - Сырдария бассейндік кеңес арасында меморандумға қол қойылды. 

2022 жылы Ы.Жахаев атындағы Қазақ Күріш шаруашылығы ғылыми-зерттеу институты ғалымдарымен бірге Қызылорда облысының агроөнеркәсiптік кешені саласындағы инновациялық жобалар 019 бағдарламасы бойынша «Шабындық және жайылымдық жерлерді табиғи көпжылдық шөптерді өсіру арқылы топырақ құнарлығын қалпына келтіру және жақсарту жолдарын ендіру» жобасы жүргізілді.

2023 жылы мақсатты қаржыландыру бағдарламасы бойынша «Қызылорда  облысында су тапшылығы жағдайында мал азықтық дақылдары мен ағаш екпелерін суару үшін сарқынды суларды қауіпсіз утилизациялау технологиясын әзірлеу» тақырыбындағы гранттық жобаны ұтып алды. Қаржыландыру көлемі жылына 750 000 000 тг. Жоба жетекшісі  профессор,   т.ғ.д. С.Ы.Өмірзақов.

 

Білім беру бағдарламасының жетістіктері мен марапаттары


2019 жылы 4 наурызда Қорқыт Ата атындағы Қызылорда университетінде 8D086 – Су ресурстары және суды пайдалану (6D081000 – Жерді мелиорациялау, баптау және қорғау) кадрлар даярлаудың бағыттары (мамандықтары) бойынша докторантура ашылды. Диссертациялық кеңес төрағасы болып т.ғ.д., профессор А.Ә. Шомантаев тағайындалды.

2019 жылдан бүгінге дейін 8D086 – Су ресурстары және суды пайдалану (6D081000 – Жерді мелиорациялау, баптау және қорғау) кадрлар даярлаудың бағыттары (мамандықтары) бойынша Диссертациялық кеңесте 3 докторант сәтті қорғап, PhD дәрежесін алды.

Жусупова Лиза Куанышқызы 2021 жылы 24 желтоқсан күні Қорқыт Ата атындағы Қызылорда университетінде 8D08675 (6D081000) – Мелиорациия, жерді  баптау және қорғау мамандығы бойынша «Разработка  технологии освоения засоленных земель, вышедших из сельскохозяйственного оборота (на примере Кызылординской области)» тақырыбында диссертациялық жұмысын сәтті қорғады. Қазақстан Республикасы Білім және ғылым саласындағы сапаны  қамтамасыз ету комитетінің төрағасының 2022 жылғы 22 сәуірдегі №165 бұйрығымен филисофия докторы (PhD) дәрежесі берілді.

Профессор С.И. Қошқаров «Құрмет» орденінің  (2005ж.)  иегері атанды. Қазақстан Республикасы Білім және ғылым министрлігі тарапынан профессорлар А.Ә. Шомантаев (2007ж.),  С.Ы.Өмірзақов (2007ж.),  Қ.Ә. Омаров (2012ж.)  «Қазақстан Республикасы білім беру ісінің құрметті қызметкері» төсбелгісімен марапатталды, профессорлар А.Ә. Шомантаев, Ә.Ә. Сағаев  «Жоғарғы оқу орнының үздік оқытушысы» мемлекеттік грантын (2009-2011жж.) жеңіп алды.  

2020 жылы Қызылорда қаласы маслихатының шешімімен профессор Қошкаров Серікбай Иманбайұлы Қызылорда қаласының «Құрметті азаматы» атағымен марапатталды.

2022 жылы кафедраның т.ғ.д., профессор С.Ы. Өмірзақов Қорқыт Ата атындағы Қызылорда университетінің Құрметті профессоры атанды.

Кафедраның аға оқытушылары Б.Р. Шаянбекова, Б.С. Отарбаев, Л.Қ. Жусупова, Э.Ш. Елеуова Қорқыт Ата атындағы Қызылорда университетінің Алтын медалімен марапатталса, кафедраның аға оқытушылары Г.Т. Далдабаева, Б.Т. Кенжалиева, П.У. Буланбаева Қорқыт Ата атындағы Қызылорда университетінің «Үздік түлек» медалімен марапатталды.

 

Халықаралық байланыс


«Су шаруашылығы және жерге орналастыру» білім беру бағдарламасы халықаралық келісім-шарт негізінде білім және ғылым саласында өзара тәжірибе алмасу, бірлескен ғылыми жобаларды орындау мақсатында Ресей Федерациясы университеттерімен тұрақты байланыста. Атап өтетін болсақ: А.Н.Костяков атындағы гидротехника және мелиорацияның бүкілресейлік ғылыми зерттеу институты, Мәскеу мемлекеттік табиғатты үйлестіру университеті, В.П.Горячкин атындағы Мәскеу мемлекеттік агроинженерлік университеті,  Казань мемлекеттік аграрлық университеті. 

2014 жылы А.Д. Сахаров атындағы халықаралық мемлекеттік экологиялық университетінің профессоры (Минск, Беларусь Республикасы), техника ғылымдарының докторы Михаил Юрьевич Калинин профессор-оқытушылар құрамы мен білім алушыларға арналған «Су ресурстарын кешенді басқару» тақырыбында халықаралық семинар өткізді.

Сол жылы Ресей Ғылым академиясы Зоология институтының (Санкт-Петербург) профессоры Николай Васильевич Аладин «Арал, Балқаш және Каспий теңіздерінің су және экологиялық проблемалары» тақырыбында курс оқыды.

Сонымен қатар соңғы үш жылда келесі шетелдік оқу орындарымен әріптестік орнап, келісім-шарттарға қол қойылды:

-  Витаутас Магнус университеті (Литва);

- «Ташкент ирригация және ауыл шаруашылығын механикаландыру инженерлері институты» Ұлттық зерттеу университеті (Ташкент, Өзбекстан Республикасы);

-  Азербайджан Ұлттық Ғылым Академиясы, Топырақтану және агрохимия институты.

2021 жылы Солтүстік-Батыс Швейцария қолданбалы ғылымдар мен өнер университетінің аға ғылыми қызметкері, PhD Марина Питер келісім-шарт негізінде білім беру бағдарламаларының студенттеріне дәстүрлі (офлайн) форматта дәріс оқыды.

2023 жылы «Ташкент ирригация және ауыл шаруашылығын механикаландыру инженерлері институты» Ұлттық зерттеу университетінің профессоры, э.ғ.д. А.С. Алтиев 6В07368 - Кадастр, 6В07369 - Жерге орналастыру білім беру бағдарламаларының 3 курс студенттеріне дәріс оқыды.

 

«500 ғалым» халықаралық бағдарламасының стипендиаттары


2022-2023 оқу жылында кафедраның төмендегі 5 ғалымы «500 ғалым» халықаралық бағдарламасының стипендиаттары аталып, алыс-жақын шетелдерде ғылыми тағылымдамадан өтуге жолдама алды:

Жунусов Абайбек Талғатұлы – Джордж Вашингтон университеті;

Шаянбекова Бахытжан Рахманбердиевна – Солтүстік-Батыс Швейцария қолданбалы ғылымдар мен өнер университеті;

Умбетова Шолпан Мырзабековна – Әзірбайжан сәулет және құрылыс университеті;

Далдабаева Гульнур Торехановна – Солтүстік-Батыс  Швейцария қолданбалы ғылымдар мен өнер университеті;

Елеуова Эльмира Шораевна – Солтүстік-Батыс  Швейцария қолданбалы ғылымдар мен өнер университеті;

Шынбергенов Ерлан Алимжанович – М.В. Ломоносов атындағы Мәскеу мемлекеттік университеті. 

Нәтижесінде, кафедраның аға оқытушылары, т.ғ.к. Г.Т.Далдабаева және а.ш.ғ.к. Э.Ш.Елеуова Швейцария елі, Муттенц қаласындағы Солтүстік-Батыс Швейцария қолданбалы ғылымдар және өнер университетінің (FHNW) Экокәсіпкерлік институтында (IEC) "500 ғалым" бағдарламасы бойынша 3 ай ғылыми тағылымдамадан өтіп келді. Тағылымда бағыты – агроөнеркәсіп кешені саласындағы зерттеулер, оның ішінде   экологиялық және су технологиясына қатысты зерттеулер жүргізу. Ғылыми жетекші, университеттің аға ғылыми қызметкері, PhD  Марина Питер.

Зерттеу жұмыстары барысында ғалымдар университеттің IЕC зертханасының аға қызметкері Патрик Эккерттің қатысуымен Экокәсіпкерлік зертханасында экологиялық таза өндірістік процестер мен қалдықтар, ағынды суларды тазарту, қайта өңдеу және кәдеге жаратудың заманауи әдістерімен танысып, ағынды сулардың сапасына әртүрлі талдау жүргізу әдіснамасын үйреніп келді.

 

БББ филиалдары


1.Қазақстан Республикасы Су ресурстары және ирригация министрлігі Су ресурстары комитетінің «Казсушар» шаруашылық жүргізу құқығындағы РМК  Қызылорда филиалы;
2. «Қазақстан Республикасы Су ресурстары және ирригация министрлігі Су ресурстары комитетінің «Қазсущар» ШЖҚ РМК жанындағы «Арал» салынып жатқан кәсіпорындардың біріккен дирекциясы» филиалы;
3. «Қызылорда су жүйесі» шаруашылық жүргізу құқығындағы мемлекеттік коммуналдық кәсіпорны;
4. «Қазақстан Республикасы Су ресурстары және ирригация министрлігі Су ресурстары комитетінің Су ресурстарын пайдалану мен қорғауды реттеу жөніндегі Арал-Сырдария бассейндік инспекциясы» РММ.
5.«Ыбырай Жақаев атындағы Қазақ күріш шаруашылығы ғылыми-зерттеу институты» ЖШС;
6. «Абзал и компания» толық серіктестігі;
7. «Абай Дәулет» ЖШС.

 

Өндіріс орындарымен байланыс


6В07368 – Кадастр, 6В07369 – Жерге орналастыру білім беру бағдарламалары бойынша төмендегі мекемелермен өзара қызмет және ынтымақтастық туралы меморандумдарға қол қойылған: 
- «Азаматтарға арналған үкімет» Мемлекеттік корпорациясы КЕ АҚ Қызылорда облысы бойынша филиалы;
- «Қызылорда қаласының ауыл шаруашылығы мен жер қатынастары бөлімі» КММ;
-  Қызылорда облысының ауыл шаруашылығы және жер қатынастары басқармасы;
-  «ҚР ауыл шаруашылығы министрлігінің жер ресурстарын басқару комитеті Қызылорда облысының жер ресурстарын басқару департаменті» РММ.
Аталған өндіріс орындарында білім алушылар өндірістік және диплом алды іс-тәжірибеден өтіп келеді және бейіндік пәндер бойынша зертханалық жұмыстар мен курстық жобаларды орындауға қажетті мәліметтер алу үшін байланыс орнаған.
 

Дуальды оқыту


Тәжірибелі мамандар, оның ішінде БББ түлектері оқу үдерісіне белсенді қатысады. 2021-2022, 2022-2023 оқу жылдарында сабақ өткізуге Арал-Сырдария бассейндік инспекциясының бас маманы Алибекова А. және Қазақстан Республикасы Аауыл шаруашылығы министрлігі Жер ресурстарын басқару комитетінің «Қызылорда гидрогеологиялық-мелиоративтік экспедициясы» республикалық мемлекеттік мекемесінің басшысы Мүсіреп Азамат шақырылды.

2021-2022, 2022-2023 оқу жылдарында 6В08674 – Су ресурстары және суды пайдалану, 6В08675 – Жерді мелиорациялау, баптау және қорғау білім беру бағдарламаларының 3 және 4 курс студенттері үшін дуальды оқыту енгізілді. Сабақтарды «Ы.Жақаев атындағы Қазақ күріш ғылыми-зерттеу институты» ЖШС бас маманы Бәйімбетова Г. және «Арал» Нұра топтық су құбыры» РМК филиалының бас инженері Нахатова А. жүргізеді.

6В07368 – Кадастр, 6В07369 – Жерге орналастыру БББ бойынша «Жерді мемлекеттік тіркеу және есепке алу», «Жердің пайдаланылуы мен қорғалуын мемлекеттік бақылау» бейіндік пәндері «Қызылорда қаласының ауыл шаруашылығы және жер қатынастары бөлімі» коммуналдық мемлекеттік мекемесінде жүргізіледі. Сабақтарды бөлімнің бас маманы, ауыл шаруашылығы ғылымдарының магистрі Будикова Күляйхан Молдашқызы жүргізеді.

 

Академиялық ұтқырлық


Академиялық ұтқырлық аясында кафедра мынадай Жоғары оқу орындарымен  ішкі және сыртқы академиялық байланыстар орнатуда:
- М.Х. Дулати атындағы Тараз өңірлік университеті;
- Қазақ Ұлттық Аграрлық Зерттеу Университеті;
- Витаутас Магнус университеті (Литва);
- «Ташкент ирригация және ауыл шаруашылығын механикаландыру инженерлері институты» Ұлттық зерттеу университеті (Ташкент, Өзбекстан Республикасы);
- Азербайджан Ұлттық Ғылым Академиясы, Топырақтану және агрохимия институты.

Кафедраның аға оқытушылары Б.С.Отарбаев, Э.Ш.Елеуова, П.У.Буланбаева, Ж.Н.Амиржановалар 15.04.2023ж.-23.04.2023ж. аралығында Өзбекстан Республикасы Ташкент қаласындағы Ташкент ирригация және ауыл шаруашылығын механикаландыру инженерлері институтында академиялық ұтқырлық бағдарламасы бойынша дәріс оқып, оқу-әдістемелік жұмысты жүргізу, ғылыми зерттеулерді орындау, сондай-ақ біліктілікті арттыру мақсатында профессор-оқытушылар құрамымен әріптестік байланыс орнатып қайтты.

 

Тәрбие жұмысы


БББ тәрбие жұмысы 6 бағыт бойынша жүргізіледі:
1.    «Мәңгілік ел» идеясы аясындағы ұлттық және рухани-адамгершілік  тәрбие;
2.    Патриоттық, азаматтық және құқықтық тәрбие; 
3.    Діни сауаттылықты арттыру және экстремизмнің алдын алу; 
4.    Дене тәрбиесі және салауатты өмір салтын қалыптастыру; 
5.    Жастардың қоғамдық игі бастамаларын қолдау мен ынталандыру; 
6.    Жастарды көпмәдениетті, экономикалық және көркем-эстетикалық тәрбие беру процестеріне ынталандыру.
 
 
 

 

Материалды-техникалық база


«Су шаруашылығы және жерге орналастыру» БББ LSD-проекторлары және интерактивті тақталар, компьютер жабдықтарынан тұратын заманауи аудиториялармен қамтамасыз етілген.

Мамандық бойынша мамандандырылған зертханалар мен кабинеттер көрнекті құралдармен  және  оқу құралдарымен жабдықталған. №104, 109, 401, 403 аудиториялар мультимедиялық проекторлармен және интерактивті тақталармен жабдықталған. Зертханалық және тәжірибелік сабақтарды жүргізу үшін барлық техникалық мамандықтарға арналған нивелирлер, теодолиттер, рейкалар, штативтер, рулеткалар, электронды планиметрлер мен электронды тахеометрлер және сәулелік рулетка бар.

2019-2020 оқу жылында «Гидравлика» пәні бойынша №109 аудиторияға жалпы құны 17 млн ​​теңгеге жаңа заманауи зертханалық қондырғылар сатып алынып, күрделі жөндеу жұмыстары жүргізілді.

2019 жылы «Су шаруашылығы және жерге орналастыру» білім беру бағдарламасында жаңадан екі дәрісхана ашылды:

1) №104 - Халықаралық экология және табиғатты пайдалану академиясының академигі, техника ғылымдарының докторы,  профессор Төрехан Қарлыханұлы Қарлыханов атындағы дәрісхана

2) №300 - Қазақстан Республикасының білім беру ісінің құрметті қызметкері, профессор, техника ғылымдарының докторы Серікбай Иманбайұлы Қошқаров атындағы дәрісхана.

 

М.Нәлібаев атындағы Су шаруашылығы мұражайы

Дәрісханалар 

 

Байланыстар


501.png  Отарбаев Бауыржан Сырмағамбетұлы                  
___________________________________              

Білім беру бағдарламасының жетекшісі, ауыл шаруашылығы ғылымдарының кандидаты

503.png bauyrzhan.kzo@mail.ru                                           

 telephone.png    8 705 703 6845

 

https://www.facebook.com/vhzu.vhzu.3?mibextid=LQQJ4d 
  https://www.instagram.com/korkyt_ata_vhzu?igsh=bm9ib3MxeWFtbXBx&utm_source=qr 

 

 

 

 

Профессор-оқытушылар құрамы

Отарбаев Бауыржан Сырмағамбетұлы

  • Лауазымы: Білім беру бағдарламасының жетекшісі, аға оқытушы, ауыл шаруашылығы ғылымдарының кандидаты
  • Ақпарат

Шаянбекова Бахытжан Рахманбердіқызы

  • Лауазымы: Аға оқытушы, техника ғылымдарының кандидаты
  • Ақпарат

Қошқаров Серікбай Иманбайұлы

  • Лауазымы: Профессор, техника ғылымдарының докторы
  • Ақпарат

Шомантаев Асылхан Әшимұлы

  • Лауазымы: Профессор, ауыл шаруашылығы ғылымдарының докторы
  • Ақпарат

Өмірзақов Серікбай Ыдырысұлы

  • Лауазымы: Қауымдастырылған профессор, техника ғылымдарының докторы.
  • Ақпарат

Акылбаев Кайрат Игисинович

  • Лауазымы: Аға оқытушысы, техникалық ғылымдарының кандидаты
  • Ақпарат

Умбетова Шолпан Мырзабекқызы

  • Лауазымы: Оқытушы, техника ғылымдарының кандидаты
  • Ақпарат

Кенжалиева Бахыткул Туребайқызы

  • Лауазымы: Аға оқытушы, ауылшаруашылық ғылымдарының кандидаты
  • Ақпарат

Елеуова Эльмира Шорақызы

  • Лауазымы: Аға оқытушы, ауыл шаруашылығы ғылымдарының кандидаты
  • Ақпарат

Далдабаева Гүлнұр Төреханқызы

  • Лауазымы: Аға оқытушы, техникалық ғылымдарының кандидаты
  • Ақпарат

Олжабаева Ақсәуле Оңдасынқызы

  • Лауазымы: Аға оқытушы, PhD доктор
  • Ақпарат

Шынбергенов Ерлан Алимжанұлы

Жусупова Лиза Қуанышқызы

Калманова Гульжан Кайырбекқызы

Алдамбергенова Гүлзинат Темірханқызы

  • Лауазымы: Аға оқытушы, магистр
  • Ақпарат

Айбекқызы Ақбөпе

  • Лауазымы: Оқытушы, а.ш.ғ.магистрі
  • Ақпарат

Амиржанова Жанат Нысанбайқызы

  • Лауазымы: Аға оқытушы, магистр
  • Ақпарат

Нұрғалиева Кулшат Утегенқызы

  • Лауазымы: Зертхана меңгерушісі
  • Ақпарат

Айлауова Индира Қуанышханқызы

Қолжетімді қызметтер

PLATONUS

platonus.kz

E-univer

https://e-univer.korkyt.kz/

Call center

+7-7242-558877

МООK

МООK (Жаппай ашық онлайн сабақ)

Erasmus

erasmus

Сабақ кестесі

толығырақ...

Ғылыми кітапхана

толығырақ...