«Аграрлық технологиялар» білім беру бағдарламасы
ksu@korkyt.kz +7242 26-27-14, Қабылдау комиссиясы +7242 23-53-92

«Аграрлық технологиялар» білім беру бағдарламасы

Қызылорда облысы көлемінде суармалы егістік жерлері көлемінің өсуіне, машина-трактор паркін жаңарту жұмыстарына, ауыл шаруашылығы құрылыстарының қарқындылығы жоғарылауына байланысты, осындай жұмыстарды ұйымдастыру мен басқаруға  жоғары білімді инженер-гидротехник, инженер-механик, инженер-құрылысшы, жоғары білімді, білікті мамандардың қажеттілігі туындап, оларды жергілікті жерде даярлау мәселесі көтерілді, осыған орай Қызылорда облысы мен Қазақстанның Батыс аймақтарына техникалық мамандықтар бойынша инженерлік мамандар даярлау үшін 1976 жылдың 13-шілдесінде ҚСРО ауыл шаруашылығы министірлігінің №136 бұйрығымен Қызылорда қаласында Жамбыл гидромелиоративтік құрылыс институтының филиалы ашылып, көптеген жастардың сапалы білім алып, жоғары білімді маман болуларына жол ашты.
 
Бастапқы кезде оқу үдерісі екі ғимаратта жүргізілді, сабақ кестесіне сай оқуды «Жалпы математика және физика», «Қоғамдық пәндер», «Жалпы техникалық пәндер» кафедраларының  оқытушылары жүргізді, олардың қатарында ф.-м.ғ.к. О.Зияханов, х.ғ.к. Ә.И.Ибрагимов, тар.ғ.к. Ә.Ә.Жұмаділдаев, п.ғ.к. Г.Р.Ким, т.ғ.к. Р.А.Тен, Л.Т.Тәшімов, Т.Ө. Искаков және т.б. дәріс берді. Оқу орнының жаңадан құрылуына байланысты оқу ғимараттары өте ескі, ал материалдық-техникалық база мүлдем жоқ болатын. 1978 жылы «Жалпы инженерлік» факультет ашылып, алғашқы деканы болып Т.Ө. Искаков тағайындалды. 1979 жылы 1514-«Гидромелиоративтік жұмыстарды механикаландыру» мамандығының «Құрылыс және мелиоративтік машиналар» кафедрасы құрылып (кафедра меңгерушісі Тен Р.А.), болашақ инженер-механиктердің негізгі арнайы пәндерді игеруіне және диплом жұмысын орындауына,  инженер ретінде қалыптасуына  осы кафедра оқытушылары қажырлы еңбек етті және осы кафедра «Аграрлық технологиялар» білім беру бағдарламасы негізі болып табылады.
 
1980 жылғы 1-сәуірде «Арнайы пәндер» факультеті ашылды, декан қызметіне т.ғ.к., доцент Ш.Ш.Нұрсейітов тағайындалды.
1981 жылы 1514-Гидромелиоративтік жұмыстарды механикаландыру мамандығына 1977 жылы филиал ашылғанда қабылданған 46 студент бітіріп шаруашылықтарға мамандықтары бойынша жұмысқа орналасты.
1982 жылдың шілде айында Жамбыл гидромелиоративтік-құрылыс институтының Қызылорда филиалын инженерлердің екінші легі 136 жас мамандар бітіріп шықты, соның 46-ы 1514-Гидромелиоративтік жұмыстарды механикаландыру мамандығы бойынша инженер-механик біліктілігін алды. ҚСРО су шаруашылығы министірлігінің жолдамасымен  бір шеті Сыктывкар қаласындағы «Комиводстрой» мекемесінен бастан, мынау шеті Сахалин аралы аралығындағы мекемелерге жұмысқа орналасты. Барған жерлерінде  жігіттер жоғары біліктіліктерімен, білімдерімен, жергілікті мамандарды тәнті етті, қызметтері жоғарылап, өте жақсы қызмет атқарып, ұжымдарында  сыйлы болды.
1984 жылы «Құрылыс және мелиоративтік машиналар» кафедрасы негізінде «Машиналарды пайдалану және жөндеу » кафедрасы құрылды, кафедра меңгерушісі болып т.ғ.к., доцент Р.А.Тен, «Құрылыс және мелиоративтік машиналар» кафедрасының меңгерушісі болып Б.Т.Теміров тағайындалды.
1985 жылы студенттер санының өсуіне байланысты оқу орнының арнайы факультеті үшке бөлінді, солардың бірі «Гидромелиоративтік жұмыстарды механикаландыру» факультеті (деканы С.Т.Абдрахманов), құрамында «Құрылыс және мелиоративтік машиналар» (меңгерушісі Б.Т.Теміров), «Машиналарды пайдалану және жөндеу» (меңгерушісі т.ғ.к., доцент Р.А.Тен) және «Теориялық механика» (меңгерушісі т.ғ.к. К.С.Сейтжанов), «Физика және электротехника» (меңгерушісі Ә.Т.Төрешбаев) болды.
1988 жылы «Құрылыс және мелиоративтік машиналар» және «Машиналарды пайдалану және жөндеу» кафедралары біріктіріліп  «Мелиоративтік жұмыстарды механикаландыру» кафедрасы құрылды, кафедра меңгерушісі болып т.ғ.к., доцент Р.А. Тен бекітілді, ал 1990 жылы кафедра меңгерушісі болып Б.Е. Тыныштықбаев тағайындалды.
1991 жылы «Гидромелиоративтік жұмыстарды механикаландыру» факультеті «Ауыл шаруашылығын механикаландыру» факультеті болып қайта құрылды.
1993 жылы «Мелиоративтік жұмыстарды механикаландыру» кафедрасы «Машина-трактор паркін пайдалану» (кафедра меңгерушісі Б.Е.Тыныштықбаев) және «Ауыл шаруашылық және мелиоративтік машиналар» (кафедра меңгерушісі Ж.Ж.Өндірбаев) кафедраларына бөлінді, 1998 жылы факультет құрамына «Консервілеу технологиясы» кафедрасы қосылды.
1999-2000 оқу жылында екі факультеттің бірігуіне байланысты «Инженерлі-экономикалық» факультеті құрылды, декан қызметіне Б.С.Нұрмұхамед тағайындалды.
2000-2001 оқу жылында «Аграрлы-техникалық» факультеті деп аталды, құрамында «Машина-трактор паркін пайдалану» (кафедра меңгерушісі, т.ғ.к. Е.Н.Ысқақ), «Жол қозғалысын ұйымдастыру және көлікті пайдалану» (кафедра меңгерушісі, т.ғ.к., доцент М.Ш.Тобашов), «Ауыл шаруашылығы өндірісінің технологиясы» (кафедра меңгерушісі а-ш.ғ.к. И.А.Таутенов) және «Жалпы физика» (кафедра меңгерушісі ф-м.ғ.к. П.И.Сапарходжаев) кафедралары болды. Осы оқу жылында «Ауыл шаруашылық және мелиоративтік машиналар» кафедрасы «Жол қозғалысын ұйымдастыру және көлікті пайдалану» деп өзгертілді.
2003-2005 жылдары аралығында «Машина-трактор паркін пайдалану» кафедрасын т.ғ.к. Е.Т.Қодар, ал 2005-2012 жылдары аралығында т.ғ.д., доцент С.З.Рахатов басқарды.
«Жол қозғалысын ұйымдастыру және көлікті пайдалану» кафедрасын 2008-2012 жылдары аралығында т.ғ.к., доцент Коптилеуов Б.Ж. басқарды. «Ауыл шаруашылығы өндірісінің технологиясы» кафедрасын 2011-2014 жылдары аралығында,  а-ш.ғ.д., доцент Ә.М. Тоқтамысов басқарды.
2012-2013 оқу жылында университет құрылымдарын оңтайландыру мақсатында «Машина-трактор паркін пайдалану» және «Жол қозғалысын ұйымдастыру және көлікті пайдалану» кафедралары қосылып «Агроинженерия және көлікті пайдалану» кафедрасы құрылды, кафедра меңгерушісі болып т.ғ.к. С.М. Аханов тағайындалды. 2013-2014 оқу жылында кафедраны т.ғ.к. Ғ.Қ. Қаленов басқарды. 2014-2015 оқу жылында кафедра меңгерушілігіне т.ғ.к. Е.Н. Ысқақ тағайындалды. «Ауыл шаруашылығы өндірісінің технологиясы» кафедрасын 2014-2015 оқу жылында, а-ш.ғ.д., доцент Ә.М. Тоқтамысов, кейін, а-ш.ғ.к.  Б.Қ. Байжанова жетекшілік етті.
2015 жылдың тамыз айында университетте құрылымдық бірліктерге оңтайландыру жұмыстарын жүргізіп, «Агроинженерия және көлікті пайдалану» және «Ауыл шаруашылығы өндірісінің технологиясы» кафедраларын біріктіру  нәтижесінде «Аграрлық технологиялар» кафедрасы құрылды. Кафедраның алғашқы меңгерушісі болып т.ғ.к. Е.Н. Ысқақ тағайындалды. Кафедра құрамында 6В07159-Көлік техникасы және технологиялары, 6В08773 Аграрлық техника және технологиялар, 6В11380-Көлікті пайдалану және жүк қозғалысы мен тасымалдауды ұйымдастыру, 7М08573-Аграрлық техника және технологиялар, 6В08171-Агрономия, 7М08171-Өсімдік шаруашылығы, 8D08171-Агрономия, 6В08272-Мал шаруашылығы өнімдерін өндіру технологиясы, 6В07260-Азық-түлік өнімдерінің технологиясы мамандықтары бойынша даярланды.
2015-2016 оқу жылында кафедрада 4 ғылым докторы, 11 ғылым кандидаты, 2 PhD докторы, 7 ғылым магистрі, 1 оқытушы білім беру қызметін жүргізді.
2015-2016 оқу жылында 49 түлек, оның ішінде 5В080100-Агрономия мамандығын – 18, 5В080100-Мал шаруашылығы өнімдерін өндіру технологиясы мамандығын – 8, 5В080600-Аграрлық техника және технология мамандығын – 10, 5В090100-Көлікті пайдалану, жүк қозғалысы мен тасымалдауды ұйымдастыру мамандығын 13 түлек бітірді. Сонымен бірге магистратураны – 8, докторантураны – 2 білім алушы бітірді.
2019-2020 оқу жылында «Аграрлық технологиялар» білім беру бағдарламалары т.ғ.к., доцент Б.Ж. Коптилеуов басқарды. 2021-2022 оқу жылынан бастап «Аграрлық технологиялар» білім беру бағдарламаларының меңгерушісі болып PhD Бекжанов Серік Жолдахметұлы қызмет атқарады. 
 
>  «Аграрлық технологиялар» білім беру бағдарламалары мамандарды келесі білім беру бағдарламалары бойынша даярлайды
Бакалавриат
6В07159-Көлік техникасы және технологиялар;
6В08171-Агрономия;
6В08272-Мал шаруашылығы өнімдерін өндіру технологиясы;
6В08773-Аграрлық техника және технология;
6В11380-Көлікті пайдалану және жүк қозғалысы мен тасымалдауды ұйымдастыру;
Магистратура 
7М08172-Өсімдік шаруашылығы;
7М08753-Аграрлық техника және технология;
Докторантура 
8D08171-Агрономия мамандары даярлануда.
Қазіргі таңда «Аграрлық технологиялар» білім беру бағдарламаларының құрамында 2 ғылым докторы, 6 ғылым кандидаты, 5 РhD (Философия докторы), 4 магистр, 1 аға оқытушы қызмет жасайды.
 
Білім беру бағдарламасының жетістіктері:
2022-2023 оқу жылында 40 түлек, оның ішінде 6В08171-Агрономия білім беру бағдарламасын-12, 6В08773-Аграрлық техника және технология білім беру бағдарламасын-9, 6В07159-Көлік техникасы және технологиялар білім беру бағдарламасын-4, 6В11380-Көлікті пайдалану, жүк қозғалысы мен тасымалдауды ұйымдастыру мамандығын 14 түлек бітірді. Сонымен бірге 7М08773-Аграрлық техника және технологиялар білім беру бағдарламасын-1  білім алушы бітірді. 2019-2020 оқу жылында «Аграрлық технологиялар» білім беру бағдарламаларын т.ғ.к., доцент Б.Ж. Коптилеуов басқарды. 2021-2022 оқу жылынан бастап «Аграрлық технологиялар» білім беру бағдарламаларына  PhD Бекжанов Серік Жолдахметұлы  жетекшілік жасап келеді.
2015 жылғы 28 желтоқсанда университет доктарантурасының түлегі  Н.Ш.Нұрғалиев С.Сейфуллин атындағы Қазақ агротехникалық университетінде «Арал өңірінің күріш ауыспалы егістерін әртараптандыру мақсатында африкалық тарыны өсірудің ғылыми негіздемесі» тақырыбында  6D080100-«Агрономия» мамандығы бойынша PhD дәрежесін алу үшін диссертациясын қорғап шықты.
2016 жылғы 21 желтоқсанда оқытушы Д.Ж. Нұржан Қазақ ұлттық аграрлық университетінде 6М080600-Аграрлық техника және технология мамандығы бойынша «Күріш алқаптарында қолданылатын ұзын базалы тегістеуіштің параметірлері мен жұмыс режимдерін негіздеу» тақырыбында докторлық диссертациясын қорғап, PhD   докторы дәрежесін иеленді.
2016 жылғы 28 желтоқсанда, университет докторантурасының түлегі С.Ж.Бекжанов С.Сейфуллин атындағы Қазақ агротехникалық университетінде 6М080100-Агрономия мамандығы бойынша «Арал өңіріндегі күріш жүйелерінің тұзды топырақтарында құмай (сорго) дақылының өсіру технологиясын әзірлеу» тақырыбында докторлық диссертациясын қорғап, PhD атанды.
2022 жылғы Қазақстан Республикасының жоғары оқу орындары студенттерінің  ғылыми-зерттеу жұмыстары республикалық конкурсының қорытындысы бойынша АГР-19-1 оқу тобының білім алушысы Мүсірәлі Аружан (жетекшісі Л.А.Тохетова)   3-орын алса, Агр-22-1 оқу тобының білім алушысы Оңалсын Анар  «ZIAT» Ғылыми-әдістемелік орталығы ұйымдастырған «Ғылым шарайнасы» атты XV Республикалық колледж және ЖОО студенттерінің ғылыми-зерттеу жұмыстары сайысында 1- орын иеленді. (жетекшісі Р.Д.Нұрымова). 2017 жылғы Қазақстан Республикасының жоғары оқу орындары студенттерінің үздік ғылыми-зерттеу жұмыстарына арналған республикалық конкурсының қорытындысы бойынша АГР-14-1 оқу тобының студенті Мөлдір Әбдірейім 3-орын алса, АТТ-14-1 оқу тобының студенттері Нұрдәулет Мұнарбай, Сүйрік Әсілбекқызы  3- орын иеленді. 2019 жылғы Қазақстан Республикасының жоғары оқу орындары студенттерінің үздік ғылыми-зерттеу жұмыстарына арналған республикалық конкурсының қорытындысы бойынша АТТ-17-1 оқу тобының студенті Наврузов Жахонгир Мансурұлы 3- орын иеленді.
2022 жылы «Аграрлық технологиялар» кафедрасының бакалавриаттың 6В07159-Көлік техникасы және технологиялар, 6В08171-Агрономия, 6В08272-Мал шаруашылығы өнімдерін өндіру технологиясы, 6В08773-Аграрлық техника және технология, 6В11380-Көлікті пайдалану және жүк қозғалысы мен тасымалдауды ұйымдастыру; магистратура бойынша: 7М8172-Агрономия, 7М08753-Аграрлық техника және технология; докторантураның 8D08171-Агрономия мамандықтары, ЖОО қызметінің Аккредиттеу және Рейтингтің Тәуелсіз Агенттігі стандарттары талаптарына сәйкестігіне бағалау жүргізіліп, мамандандырылған аккредиттеуден өтті.
 
Білім беру бағдарламасының марапаттары:
Білім беру бағдарламасының жетекшісі, PhD Бекжанов С.Ж. – 2022 ж.
- Қазақстан Республикасы  Ғылым және жоғары білім министрінің алғыс хаты.
 
Доцент, т.ғ.к.  Коптилеуов Б.Ж.
- 2010ж. Жоғары оқу орнының үздік оқытушысы;
- 2015 жылы Қорқыт ата атындағы Алтын медаль;
- 2022ж. Университет ректорының Құрмет грамотасы.
 
Профессор, а.ш.ғ.д. Тохетова Л.А.
- 2021 жылы Білім және Ғылым саласына қосқан  айрықша еңбегі үшін «Қазақстанның құрметті профессоры» төсбелгісімен марапатталды;
- 2021ж. «Елеулі еңбегі үшін» медальмен марапатталды;
- 2020ж.  Қазақстан республикасының Ауыл шаруашылық министрлігінің «Ерен еңбегі үшін»  төсбегісімен марапатталды.
- 2022 жылы  ҚР  ҒЖБМ  профессор ғылыми атағын алды.
- 2022ж. Облыс әкімінің алғыс хаты.
 
Аға оқытушы, т.ғ.к. Аханов С.М.
- 2017 ж. Қазақстан Республикасы Білім және Ғылым министрінің алғыс хаты;
- 2013 ж. Қорқыт ата атындағы мемлекеттік университетінің медалі.
 
Аға оқытушы, а.ш.ғ.д.  Таутенов  И.А.
- 2015 ж. Облыс әкімі Қ.Көшербаевтың Құрмет грамотасы;
- 2016 ж. Қорқыт ата атындағы Алтын медаль;
- 2017ж. Облыс әкімі Қ.Көшербаевтың Алғыс хаты;
- 2018 ж. Нұр Отан ХДП Қызылорла облыстық филиалының Алғыс  хаты;
- ҚР Тәуелсіздігінің 30 жылдық мерекесіне орай облыс әкімі Г.Н.Әбдіқалықованың Алғыс хаты;
- 2019ж. ҚР ЖОО Қауымдастығының Президентінің «Үздік ғылым қызметкері» куәлігі;
- 2021ж. Қорқыт ата атындағы  Қызылорда университетінің үздік оқытушысы;
- 2021ж. Ы.Жақаевтың 130 жылдық мерейтойлық медалі;
- 2021 ж. Ғылым қызметкерлері күніне орай ҚР Ұлттық ғылым академиясының  Құрмет грамотасы;
- 2022ж. ҚР Парламенті Сенатының төрағасы М.Әшімбаевтың Алғыс  хаты;
- 2022ж. ҚР  Президентінің  «Құрмет» ордені
 
Қауымдастырылған профессор, а.ш.ғ.к. Байжанова Б.Қ.
- 2021ж. «Ұстаз тілегі» ғылыми-әдістемелік орталығының халықаралық  онлайн олимпиадасына жетекшілік жасағаны үшін Алғыс хатпен марапатталды;
- 2020ж. «Ұстаз тілегі» ғылыми-әдістемелік орталығының «Үздік ашық сабақ»  дәрежелі дипломмен марапатталды;
- 2019ж. «Білім өркениет» Ұлттық инновациялық ғылыми-зерттеу орталығының «Қазақстанның құрметті ұстазы»  1 дәрежелі диплом.
- 2021ж. Қорқыт ата атындағы университеттің «Үздік оқытушы» номинациясы;
- 2021ж. Қызылорда облысы білім басқармасының алғыс хаты;
- 2022ж. Облыс әкімінің құрмет грамотасы;
- 2022ж. Қызылорда облысы мәдениет және спорт басқармасының алғыс хаты;
- 2023ж. Қызылорда облысы мәдениет және спорт басқармасының спорт күніне арналған іс шараға байланысты алғыс хат.
 
Аға оқытушы, т.ғ.к. Ысқақ Е.Н.
- 2006ж. Ы.Алтынсариен атындағы төсбелгі;
- 2022ж. Қорқыт ата атындағы университет ректорының Алғыс хаты.
- 2010ж. ҚР Білім және ғылым министрінің алғыс хаты.
 
Аға оқытушы, PhD  Нұрғалиев Н.Ш.
- 2019ж. «Білім өркениет» Ұлттық инновациялық ғылыми-зерттеу орталығының «Қазақстанның құрметті ұстазы» 1 дәрежелі диплом;
- 2022ж. Қорқыт ата атындағы университеттің Құрмет грамотасы;
- 2019ж. Қорқыт ата атындағы университеттің «Үздік оқытушы» номинациясы.
- 2018ж. Қазақ Ұлттық Аграрлық университетінің Басқарма төрағасы-Ректорының Алғыс хаты.
 
Ғылыми жоба
Профессор - оқытушылар құрамы жыл сайын ғылыми жобаларды дайындауға және орындауға қатысады. Профессор, а-ш.ғ.д Л.А Тохетова ҚР АШМ 2021-2023 жылдарға арналған ғылыми зерттеулерді бағдарламалық-нысаналы қаржыландыру шеңберінде «Өсімдіктердің биотехнологиясы, генетикасы, физиологиясы, биохимиясы жетістіктері негізінде дәнді дақылдардың жоғары өнімді сорттары мен будандарын құру» тақырыбындағы ғылыми жобаның орындаушысы болып табылады. Оның басшылығымен ғылыми зерттеулерді бағдарламалық-мақсатты қаржыландыру шеңберінде 2018-2020 жылдары «Қазақстанның экологиялық қолайсыз жағдайларында өсіру кезінде өнімділігі, астық сапасы, ортаның стресс факторларына бейімділігі бойынша бәсекеге қабілетті арпаның жаңа тұзға төзімді сортын жасау» ғылыми жобасы орындалды.
ПОҚ ғылыми-зерттеу бастамаларын ынталандыру үшін «Аграрлық технологиялар» білім беру бағдарламалары жыл сайын түрлі байқауларға қатысады. Атап айтқанда, Қызылорда облысының ауыл шаруашылығы басқармасы облыстық бюджеттің № 019 бағдарламасына сәйкес агроөнеркәсiптiк кешен саласында 2019 жылға арналған инновациялық жобалар аясында «Қызылорда облысының  күріш жүйелерінің  мелиоративтік жағдайын ауыспалы егіске қант құмайын (фитомелиорант-дақыл) енгізу арқылы жақсарту» тақырыбында өңірдің ауылшаруашылығына қажетті жоба іске асырылды. Жоба барысында «Бақдәулет» ШҚ-ның егіс танаптарына қант құмайының аудандастырылған Қазақстандық 20 сорты және жоба орындаушылары мен «Тұзданған жерлерді жақсартудың биологиялық әдістері халықаралық орталығы» (ИКБА) бірлескен жұмысы нәтижесінде алынған қант құмайының кеш пісетін Кешен сорты орналастырылды. 2018 жылдан бастап аталған сорт ҚР АШМ ауыл шаруашылық дақылдардың селекциялық жетістіктердің мемлекеттік тізбесіне еніп, Қызылорда облысында аудандастырылды. Жоба жетекшісі а-ш.ғ.д. И.А.Таутенов, жоба орындаушысы РhD С.Ж.Бекжанов.
ҚР  ҒЖБМ Ғылым комитетінің 2018-2021 жылдарға арналған гранттық қаржыландыруы негізінде доцент, а-ш.ғ.к. Н.Б.Мұқановтың жетекшілігімен «Қазақстан қойларының қылшық жүнді (етті-майлы) тұқымдарының ДНК-сипаттамасы бойынша өнімді-биологиялық ерекшеліктерінің сипаттамасы» жобасы іске асырылды.
Жас ғалымдардың 2022-2024 жылдарға арналған гранттық қаржыландыруы негізінде PhD Н.Ш.Нұрғалиевтің жетекшілігімен «Қазақстанның Арал өңірінде шетелдік селекцияның африкалық тарысының перспективалы сорттарын экологиялық сынау» атты ғылыми жоба іске асырылуда. Жобаны орындаушылар қатарында кафедраның жас ғалымдары, магистранттары мен докторанттары бар.
Университетте 2019-2021 оқу жылдары аралығында 8D08171-Өсімдік шаруашылығы (6D080100-Агрономия) бағыты бойынша докторлық диссертация қорғауға арналған диссертациялық кеңес жұмыс істеді. Диссертациялық кеңестің төрағасы, а-ш.ғ.д. И.А.Таутенов, кеңес мүшелері  PhD С.Ж. Бекжанов, PhD Н.Ш.Нұрғалиев бар. 2019 жылы Кеңестің екі отырысы өтіп,  докторант А.А.Демесінова «Арал өңірінің түзды топырағы жағдайында арпа сорттары мен будандарын селекциялық багалау» тақырыбында диссертация қорғаса, докторант Ж.Ш Жұмаділова «Арал өңірінің күріш ауыспалы егістігі жағдайында отандық биотыңайтқыштарды қолдану арқылы түйежоңышқа сорттарының өсіру технологиясын жетілдіру» тақырыбында диссертациясын сәтті қорғады. ҚР БҒМ Білім және ғылым саласында сапаны қамтамасыз ету комитетінің шешімімен докторанттарға философия докторы (PhD) ғылыми дәрежесі берілді.
 
Халықаралық байланыс
Студенттердің, магистранттардың, докторанттардың сапалы білім деңгейіне қол жеткізу және ауыл шаруашылығы үшін іргелі білімі мен ғылыми зерттеулерге қатысу тәжірибесі бар біліктілігі жоғары кадрлар даярлау, сондай-ақ бюджеттен тыс қаржыландыру көздерін тарту үшін 2019-2020 оқу жылында Қорқыт Ата атындағы Қызылорда университеті Қазақ ұлттық аграрлық зерттеу университетімен Меморандум жасалды.
Әзербайжан Ұлттық ғылым академиясының Топырақтану және агрохимия институты мен Қорқыт Ата атындағы Қызылорда университеті арасындағы байланысты кеңейту мақсатында 2019-2020 оқу жылында Меморандумға қол қойылды. Меморандумның мәні екі жақты тікелей қатынастар нысанындағы бірлескен ғылыми-зерттеу жұмыстары, сондай-ақ далалық стационарларды қоса алғанда, тараптарда бар ғылыми-әдістемелік және эксперименттік базаны өтеусіз негізде пайдалана отырып, Халықаралық ғылыми бағдарламаларға, жобаларға, гранттарға бірлесіп қатысу болып табылады.
Аға оқытушы, философия докторы Ж.Ш.Жумадилова  2022 жылдың сәуір айында Минск қаласындағы Беларуссия мемлекеттік  аграрлық техникалық университетінде Болашақ бағдарламасы бойынша білімін жетілдіріп қайтты.
Өндіріспен жемісті ынтымақтастықтың үлгісі – заманауи ауыл шаруашылығы техникасының негізгі жеткізушісі және сапалы сервистің кепілі – ST AGRO компаниясы болып табылады. 2021 жылдың қыркүйегінде ST AGRO компаниясы «Ауылшаруашылық машиналары» дәрісханасын техниканың жаңа түрлері туралы ақпарат беретін стендтермен жабдықтады. Қазіргі уақытта «Аграрлық технологиялар» білім беру бағдарламаларының бірнеше түлектері «ST AGRO» Қызылорда филиалында табысты жұмыс істеуде
 
Білім алушылардың ҒЗЖ
Білім алушылардың ҒЗЖ нәтижелері оқытушылармен бірлескен жарияланымдарда отандық және шетелдік жоғары рейтингті ғылыми журналдар мен конференция материалдарында көрініс табады. Университет ректораты жүйелі түрде білім алушыларды, сондай-ақ ғылыми-зерттеу жұмысында жоғары нәтижелер көрсеткен ғылыми жетекшілерді материалдық және моральдық жағынан ынталандырады.
Студенттердің ғылыми-зерттеу жұмыстары оқу үдерісі шеңберіндегі ғылыми-зерттеу жұмыстарын-ғылыми зерттеулер элементтерімен жұмыстарды орындауды, ғылыми баяндамалар, рефераттар, дипломдық жұмыстар және т.б. дайындауды, сондай-ақ студенттік ғылыми үйірмелер, клубтар құрамында оқу процесінен тыс орындалатын жұмыстарды қамтиды. Жыл сайын студенттер ғылыми баяндамаларымен Қорқыт Ата атындағы университеттің және республикалық ғылыми-практикалық конференцияларға қатысады.
ҚР жоғары оқу орындары студенттерінің үздік ғылыми-зерттеу жұмыстарына арналған республикалық конкурсының қорытындысы бойынша 2017 жылы АГР-14-1 оқу тобының студенті М.Әбдірейім (Жетекшісі Нұрғалиев Н.Ш.), АТТ-14-1 оқу тобының студенттері Н.Мұнарбай, С.Әсілбекқызы III орын, 2019 жылы Қазақ Ұлттық аграрлық университетінде өткен СҒЗ жұмыстарының конкурсында  АТТ-17-1 оқу тобының студенті Ж.Наврузов  III орын иеленді.(Жетекшісі (Ысқақ Е.Н.)
2021ж. ақпан айында Нұрсұлтан қаласында өткен Халықаралық  биология пәнінен студенттер арасындағы онлайн олимпиадасында Агрономия БББ білім алушысы  Қадірқұл Ерлан 1 дәрежелі дипломға ие болды. (Жетекшісі Байжанова Б.Қ.)
2021 ж. наурыз айында Пандемия кезіндегі студенттердің ғылыми-инновациялық шығармашылығы» ХХІІІ республикалық студенттік ғылыми- тәжірибелік конференциясында Агрономия БББ білім алушысы Шортыш Бекзат 3 орын иеленді. (Жетекшісі Байжанова Б.Қ.)
2021 жылдың ақпан айында Нұрсұлтан қаласында өткен Халықаралық  биология пәнінен студенттер арасындағы онлайн олимпиадасында Агрономия БББ білім алушысы Жасаров Бақдаулет 1 дәрежелі дипломға, Өмірзақ Ақмырза 2-дәрежелі дипломға ие болды. (Жетекшісі Байжанова Б.Қ.)
2021 жылдың мамыр айында Уфа қаласында өткен  Ғылым мен білімдегі өзекті технологиялық инновациялар» атты ғылыми-зерттеу жұмыстарының конкурсында Азық-түлік өнімдерінің технологиясы БББ білім алушысы Жанзаков Ерасыл  жүлделі 1-дәрежелі дипломға ие болды. (Жетекшісі Тохетова Л.А.)
 
Білім беру бағдарламасының республикалық олимпиадалардағы  жетістіктері:
2019 жылдың қараша айында  Қостанай  облысы Рудный қаласында өткен тоғызқұмалақтан республикалық  чемпионатта Агрономия БББ –ның білім алушысы Ыбрай Рауан жүлделі 3 орын иеленді.
2019 жылдың ақпан айында Семей қаласындағы Шәкәрім университетінде өткен республикалық пәндік олимпиадада Аграрлық техника және технология БББ білім алушылары жүлделі 2 орын иеленді. Жетекшісі аға оқытушы, а.ш.ғ.м. Қ.Т.Аленов.
 
 
 
 
 
Байланыстар

501.png Бекжанов Серік Жолдахметұлы                    
___________________________________              

Білім беру бағдарламасының жетекшісі, РhD

503.png ser.bekzhanov@mail.ru                                                   

 telephone.png    8 701 592 5566

 
 
 

Профессор-оқытушылар құрамы

Бекжанов Серік Жолдахметұлы

  • Лауазымы: Білім беру бағдарламасының жетекшісі, РhD
  • Ақпарат

Таутенов Ибадулла Айгалиұлы

  • Лауазымы: Қауымдастырылған профессор, ауылшаруашылығы ғылымдарының докторы
  • Ақпарат

Тохетова Лаура Ануарқызы

  • Лауазымы: Профессор, ауылшаруашылығы ғылымдарының докторы
  • Ақпарат

Көптілеуов Болат Жеткербайұлы

  • Лауазымы: Техника ғылымдарының кандидаты, доцент
  • Ақпарат

Байжанова Бибигул Куанышбекқызы

  • Лауазымы:  Қауымдастырылған профессор, ауылшаруашылығы ғылымдарының кандидаты
  • Ақпарат

Ысқақ Ермағанбет Нұғманұлы

  • Лауазымы: Аға оқытушы, техника ғылымдарының кандидаты
  • Ақпарат

Аханов Серік Мейрамбекұлы

  • Лауазымы: Аға оқытушы, техника ғылымдарының кандидаты
  • Ақпарат

Нұрымова Раушан Дүйсенқызы

  • Лауазымы: Қауымдастырылған профессор, ауыл шаруашылығы ғылымдарының кандидаты
  • Ақпарат

Балғабаев Мансур Абдималикұлы

  • Лауазымы: Аға оқытушы, техника ғылымдарының кандидаты
  • Ақпарат

Нұржан Данабек Жағыпарұлы

Жумадилова Жанар Шадибекқызы

  • Лауазымы: Аға оқытушы, философия докторы (PhD)
  • Ақпарат

Нұрғалиев Нұралы Шайқысұлтанұлы

  • Лауазымы: Қауымдастырылған профессор, философия докторы (PhD)
  • Ақпарат

Демесінова Айнұр Айтжанқызы

  • Лауазымы: Аға оқытушы., PhD философия докторы
  • Ақпарат

Имангазиев Пазылбек  Оразбекұлы

  • Лауазымы: Аға оқытушы, ауылшаруашылығы ғылымдарының магистрі
  • Ақпарат

Аленов Қанат Табынұлы

  • Лауазымы: Аға оқытушы, ауылшаруашылығы ғылымдарының магистрі
  • Ақпарат

Жұматаева Жазира Байсерікқызы

  • Лауазымы: Аға оқытушы., PhD философия докторы
  • Ақпарат

Мұстаяп Мұхтар Болатұлы

Жаппарбеков Нұрбек Маратұлы

  • Лауазымы: Аға оқытушы, техника ғылымдарының магистрі
  • Ақпарат

Қаймолдаева Қарлығаш Анықбекқызы

  • Лауазымы: Оқытушы, ауыл шаруашылығы ғылымдарының магистірі
  • Ақпарат

Ордабаева Гүлзина Ғалымжанқызы

  • Лауазымы: Оқытушы, техника және технологиялар магистрі
  • Ақпарат

Жиенбаева Гүлмира Ермағамбетқызы

Оспанова Жанат Өмірбекқызы

Қолжетімді қызметтер

PLATONUS

platonus.kz

E-univer

https://e-univer.korkyt.kz/

Call center

+7-7242-558877

МООK

МООK (Жаппай ашық онлайн сабақ)

Erasmus

erasmus

Сабақ кестесі

толығырақ...

Ғылыми кітапхана

толығырақ...