Қош келдіңіздер!

Таңдау - Сізден,

Сапалы білім - Бізден.

Жарқын болашақ кепілі

IQ BUSINESS» интеллектуалды сайысы

Аймақ басшысы Қ.Е. Көшербаев «2018 жыл Қызылорда облысында кәсіпкерлікті қолдау жылы» - депжарияланған болатын.

Осы ретте жастар арасында кәсіпкерлік сананы қалыптастыруда және де жастарды кәсіпкерлікке тарту және шағын орта бизнесті дамытуда жастардың тың идеялары мен қосар үлесі мол екенін ескере отырып Қызылорда қалалық кәсіпкерлік, өнеркәсіп және туризм бөлімінің тапсырысы бойынша Қорқыт Ата атындағы ҚМУ-нің «Бизнес – START» орталығының ұйымдастыруымен қала жастарына арналған «IQ BUSINESS» интеллектуалды сайысы өткізілді.
Сайыс ережесіне сәйкес 19-21 ақпан күндері Қорқыт Ата атындағы ҚМУ 1 оқу ғимаратында қатысушыларға бизнеске, көшбасшылыққа және SМM туралы семинар-тренинг өткізілді.
23 ақпан күні «Бал Ара» коворкинг орталығында сағат 14:00-де «IQ BUSINESS» интеллектуалды сайыс өтті. Сайыста жастар заманауи инноваторлардың өмір баянын таныстыруда сайысқа түсті жене бизнес жобалар бойынша өзара сайысты. Сайыста 10 команда бақ сынасты, төрешілер құрамында Жылқыбаев Олжас Қыдырбайұлы «Атамекен» ҚР ҰКП Қызылорда облысындағы бөлімінің маркетинг саласы бойынша маманы, Құлмырзаев Нұрлан Серікұлы - Қорқыт Ата атындағы ҚМУ-нің ақпараттық технологиялар және ғылыми жұмыстарды коммерцияландыру басқармасының бастығы, Қаюпов Азамат Биғалиұлы – кәсіпкерлерге қызмет көрсету бөлімінің басшысы. Сайыс қорытындысы бойынша жүлделі І орынды Қорқыт Ата студенттері - Абраимова Іңкәр Халиқызы, Рахменшеев Нұрсұлтан Саттарұлы, Кеңес Жанар, ІІ орын – Өтеп Мадина, Əбенова Ақбота, Алдаш Гүлзат, ІІІ орын - Сапарбек Бақмұхаммед, Сейдахметов Рауан, Сапарбек Зермұхаммед иеленді.

Хабарландыру

Талапкер - 2018

Университет тарихы

Университетіміздің тарихы

Қорқыт Ата атындағы Қызылорда мемлекеттік университеті

Университет тарихы

Қазақстан Республикасы Үкіметінің 1998 жылдың 24 наурызындағы №256 қаулысымен Қорқыт Ата атындағы Қызылорда гуманитарлық университеті мен Ыбырай Жақаев атындағы Қызылорда политехникалық институты қосылып, Қорқыт Ата атындағы Қызылорда мемлекеттік университеті болып қайта құрылды.

Қорқыт Ата атындағы Қызылорда гуманитарлық университеті

1937 жыл – Қиыр Шығыстағы Корей педагогикалық институтының Қызылордаға қоныс аударуы негізінде Қызылорда педагогикалық институты ашылды.
1937-1941 жылдар – Қызылорда педагогикалық институтымен бірге мұғалімдер институты қатар жұмыс істеді.
1941-1945 жылдар – Қызылорда педагогикалық институтының негізінде осында қоныс аударған Киев және Харьков университеттері жұмыс істеді.
1952 жыл – Қызылорда педагогикалық институтына Н.В.Гогольдің есімі берілді.
1992 жыл – Н.В.Гоголь атындағы Қызылорда педагогикалық институты Қорқыт Ата атындағы Қызылорда педагогикалық институты болып қайта аталады.
1993 жыл – Қорқыт Ата атындағы Қызылорда педагогикалық институты жанынан қазақ-түрік лицейі ашылды.
1994 жыл – Қорқыт Ата атындағы Қызылорда педагогикалық институты жанынан «Қабілет» мектеп-гимназиясы ашылды.
1996 жылдың 7 мамыры – Қорқыт Ата атындағы Қызылорда педагогикалық институты Қорқыт Ата атындағы Қызылорда гуманитарлық университеті болып қайта құрылды.
1998 жылдың 24 наурызы – Қорқыт Ата атындағы Қызылорда гуманитарлық университеті Ыбырай Жақаев атындағы Қызылорда политехникалық институтымен бірігіп, Қорқыт Ата атындағы Қызылорда мемлекеттік университеті болып қайта құрылды (Қорқыт Ата атындағы ҚМУ).

Ыбырай Жақаев атындағы Қызылорда политехникалық институты

1976 жылдың 13 шілдесі – Қызылорда қаласында Жамбыл гидромелиоративтік-құрылыс институтының филиалы ашылды (ЖГМҚИ).
1990 жылдың 15 қарашасы – Жамбыл гидромелиоративтік-құрылыс институтының Қызылорда филиалы Қызылорда агроөнеркәсіп инженерлері институты болып қайта құрылды (ҚАӨИИ).
1992 жылдың 12 ақпан – Қызылорда агроөнеркәсіп өндірісі инженерлері институтына оқытушы-профессорлар және студенттер ұжымының ұсынысымен, сондай-ақ қала жұртшылығының қолдауымен мемлекеттік сыйлықтың лауреаты, екі мәрте Социалистік Еңбек Ері Ыбырай Жақаевтың есімі берілді.
1996 жылдың 7 мамыры – Ыбырай Жақаев атындағы Қызылорда агроөнеркәсіп өндірісі инженерлері институты Ыбырай Жақаев атындағы Қызылорда политехникалық институты болып қайта құрылды (Ы.Жақаев атындағы ҚПТИ).
1998 жылдың 24 наурызы – Ыбырай Жақаев атындағы Қызылорда политехникалық институты Қорқыт Ата атындағы Қызылорда гуманитарлық университетімен қосылып, Қорқыт Ата атындағы Қызылорда мемлекеттік университеті болып қайта құрылды (Қорқыт Ата атындағы ҚМУ).

JoomShaper