Қош келдіңіздер!

Таңдау - Сізден,

Сапалы білім - Бізден.

Жарқын болашақ кепілі

Академиялық ұтқырлық бағдарламасының игілігі

Наурыз айының 7-жұлдызында Филология, тарих және құқық факультеті, Шетел тілдері және аударма кафедрасының Қытай Халық Республикасы Санжы кәсіптік және техникалық колледжінен академиялық ұтқырлық бағдарламасы негізінде білім алып келген  студенттерінің есеп беру кеші өтті. Кеш барысында студенттер Санжы кәсіптік колледжінде үйреніп келген тәжірибесімен бөлісті. 

Қуанышбаева Айжан мен Ораз Бердаулет кеш жүргізушілері болды. Іс-шара қытай халық биімен ашылып, Әбжекенова Бибінұр (қытайша) мен Әліш Гүлнұр(қазақша) Қытайда өткен күндерді, қызықты жағдайларды видео-ролик, слайд арқылы таныстырып өтті. Көрермендермен сұхбат болды. Ая-16-3 оқу тобының қыздары « Ай да ми» өлеңін, Нұрбол мен Беурдаулет Кытай халық операсын орындады. Сымбат пен Гүлнұр «8 және баю» атты скетч койылымын қойды. Жүргізушілер көрермендермен ойын ойнату арқылы қытай халық ақшасын таныстырып, жеңімпазды анықтап, сый-сияпат табыстады. «Кунг фу йога Джеки Чан» флешмоб биі орындалды. Сонымен қатар бұл кешті академиялық ұтқырлық бағдарламасы негізінде біздің университетте оқып жатқан қытай студенттері тамашалады. Кеште сол студенттердің бірі қытайша және қазақша ән айтты. Қытай Халық спорт түрі – Тайжичуанды қытайдан оқып келген 16 студент орындап берді. Кеш «Достар» әнімен аяқталды.

Хабарландыру

Талапкер - 2018

Университет тарихы

Университетіміздің тарихы

Қорқыт Ата атындағы Қызылорда мемлекеттік университеті

Университет тарихы

Қазақстан Республикасы Үкіметінің 1998 жылдың 24 наурызындағы №256 қаулысымен Қорқыт Ата атындағы Қызылорда гуманитарлық университеті мен Ыбырай Жақаев атындағы Қызылорда политехникалық институты қосылып, Қорқыт Ата атындағы Қызылорда мемлекеттік университеті болып қайта құрылды.

Қорқыт Ата атындағы Қызылорда гуманитарлық университеті

1937 жыл – Қиыр Шығыстағы Корей педагогикалық институтының Қызылордаға қоныс аударуы негізінде Қызылорда педагогикалық институты ашылды.
1937-1941 жылдар – Қызылорда педагогикалық институтымен бірге мұғалімдер институты қатар жұмыс істеді.
1941-1945 жылдар – Қызылорда педагогикалық институтының негізінде осында қоныс аударған Киев және Харьков университеттері жұмыс істеді.
1952 жыл – Қызылорда педагогикалық институтына Н.В.Гогольдің есімі берілді.
1992 жыл – Н.В.Гоголь атындағы Қызылорда педагогикалық институты Қорқыт Ата атындағы Қызылорда педагогикалық институты болып қайта аталады.
1993 жыл – Қорқыт Ата атындағы Қызылорда педагогикалық институты жанынан қазақ-түрік лицейі ашылды.
1994 жыл – Қорқыт Ата атындағы Қызылорда педагогикалық институты жанынан «Қабілет» мектеп-гимназиясы ашылды.
1996 жылдың 7 мамыры – Қорқыт Ата атындағы Қызылорда педагогикалық институты Қорқыт Ата атындағы Қызылорда гуманитарлық университеті болып қайта құрылды.
1998 жылдың 24 наурызы – Қорқыт Ата атындағы Қызылорда гуманитарлық университеті Ыбырай Жақаев атындағы Қызылорда политехникалық институтымен бірігіп, Қорқыт Ата атындағы Қызылорда мемлекеттік университеті болып қайта құрылды (Қорқыт Ата атындағы ҚМУ).

Ыбырай Жақаев атындағы Қызылорда политехникалық институты

1976 жылдың 13 шілдесі – Қызылорда қаласында Жамбыл гидромелиоративтік-құрылыс институтының филиалы ашылды (ЖГМҚИ).
1990 жылдың 15 қарашасы – Жамбыл гидромелиоративтік-құрылыс институтының Қызылорда филиалы Қызылорда агроөнеркәсіп инженерлері институты болып қайта құрылды (ҚАӨИИ).
1992 жылдың 12 ақпан – Қызылорда агроөнеркәсіп өндірісі инженерлері институтына оқытушы-профессорлар және студенттер ұжымының ұсынысымен, сондай-ақ қала жұртшылығының қолдауымен мемлекеттік сыйлықтың лауреаты, екі мәрте Социалистік Еңбек Ері Ыбырай Жақаевтың есімі берілді.
1996 жылдың 7 мамыры – Ыбырай Жақаев атындағы Қызылорда агроөнеркәсіп өндірісі инженерлері институты Ыбырай Жақаев атындағы Қызылорда политехникалық институты болып қайта құрылды (Ы.Жақаев атындағы ҚПТИ).
1998 жылдың 24 наурызы – Ыбырай Жақаев атындағы Қызылорда политехникалық институты Қорқыт Ата атындағы Қызылорда гуманитарлық университетімен қосылып, Қорқыт Ата атындағы Қызылорда мемлекеттік университеті болып қайта құрылды (Қорқыт Ата атындағы ҚМУ).

JoomShaper