Қош келдіңіздер!

Таңдау - Сізден,

Сапалы білім - Бізден.

Жарқын болашақ кепілі

«Қысқы мектеп» аясында ғылыми-тәжірибелік конференция өтті

2018 жылығы 5 ақпан күні Шоқайтану орталығында Қорқыт Ата атындағы Қызылорда мемлекеттік университетіндегі Құқықтану бағыты бойынша Академиялық кеңестің «Қысқы мектеп» аясында «Құқықтану мамандығы бойынша білім беру үдерісінің сапасын арттыру мәселелері» тақырыбында ғылыми-тәжірибелік семинар өткізді.

Семинарға Қорқыт Ата атындағы Қызылорда мемлекеттік университетінің Құқықтану бағыты бойынша Академиялық кеңестің мүшелері және кафедраның ғалым-оқытушылары мен студенттер қатысты. Семинардың мақсаты:Құқықтану мамандығындағы мамандар даярлауда білім беру үдерісіндегі сапаға мән беру және оны арттыру және тәжірибе алмасу болып табылады. Семинардың модераторы академиялық кеңестің төрайымы, з.ғ.к., М.К.Жусупбекова жүргізді. семинарда болашақ заңгер үшін маңызды мәселелер қарастырылды. Мәселен, «Құқық қорғау органдары пәні бойынша студенттердің алған теориялық білімдерін практикамен ұштастыру» тақырыбымен спикер Құқықтану кафедрасының аға оқытушысы, заң ғылымдарының магистрі А.К.Муйденова, «Заманауи Қазақстандағы құқықтық білім беру мен құқықтық тәрбиенің өзекті мәселелері» тақырыбымен спикер кафедра аға оқытушысы, з.ғ.к. А.А. Мадалиева, «Төртінші өндірістік революция аясындағы сыбайлас жемқорлықпен превентивтік күрес мәселелері» спикер кафедра оқытушысы, магистр Е.К.Саниязова, «Эмоциялық стресс және оны жеңу жолдары» тақырыбымен спикер: Педагогика және психология кафедрасының меңгерушісі, пс.ғ.к., қауымдастырылған профессор міндетін атқарушы А.ЖАяғанова баяндама жасаса, Құқықтану кафедрасының меңгерушісі, з.ғ.к. Қаржаубаева Л.М семинарға қатысушыларға Ресей мемлекеті ғалымдарымен жасалып, ұсынылған «Жаңа мамандықтар Атласының» мәні мен мағынасы туралы мағлұматтар берді. Семинар аясында сұрақтар қызу талқыланып, резалюция қабылданды.

Хабарландыру

Талапкер - 2018

Университет тарихы

Университетіміздің тарихы

Қорқыт Ата атындағы Қызылорда мемлекеттік университеті

Университет тарихы

Қазақстан Республикасы Үкіметінің 1998 жылдың 24 наурызындағы №256 қаулысымен Қорқыт Ата атындағы Қызылорда гуманитарлық университеті мен Ыбырай Жақаев атындағы Қызылорда политехникалық институты қосылып, Қорқыт Ата атындағы Қызылорда мемлекеттік университеті болып қайта құрылды.

Қорқыт Ата атындағы Қызылорда гуманитарлық университеті

1937 жыл – Қиыр Шығыстағы Корей педагогикалық институтының Қызылордаға қоныс аударуы негізінде Қызылорда педагогикалық институты ашылды.
1937-1941 жылдар – Қызылорда педагогикалық институтымен бірге мұғалімдер институты қатар жұмыс істеді.
1941-1945 жылдар – Қызылорда педагогикалық институтының негізінде осында қоныс аударған Киев және Харьков университеттері жұмыс істеді.
1952 жыл – Қызылорда педагогикалық институтына Н.В.Гогольдің есімі берілді.
1992 жыл – Н.В.Гоголь атындағы Қызылорда педагогикалық институты Қорқыт Ата атындағы Қызылорда педагогикалық институты болып қайта аталады.
1993 жыл – Қорқыт Ата атындағы Қызылорда педагогикалық институты жанынан қазақ-түрік лицейі ашылды.
1994 жыл – Қорқыт Ата атындағы Қызылорда педагогикалық институты жанынан «Қабілет» мектеп-гимназиясы ашылды.
1996 жылдың 7 мамыры – Қорқыт Ата атындағы Қызылорда педагогикалық институты Қорқыт Ата атындағы Қызылорда гуманитарлық университеті болып қайта құрылды.
1998 жылдың 24 наурызы – Қорқыт Ата атындағы Қызылорда гуманитарлық университеті Ыбырай Жақаев атындағы Қызылорда политехникалық институтымен бірігіп, Қорқыт Ата атындағы Қызылорда мемлекеттік университеті болып қайта құрылды (Қорқыт Ата атындағы ҚМУ).

Ыбырай Жақаев атындағы Қызылорда политехникалық институты

1976 жылдың 13 шілдесі – Қызылорда қаласында Жамбыл гидромелиоративтік-құрылыс институтының филиалы ашылды (ЖГМҚИ).
1990 жылдың 15 қарашасы – Жамбыл гидромелиоративтік-құрылыс институтының Қызылорда филиалы Қызылорда агроөнеркәсіп инженерлері институты болып қайта құрылды (ҚАӨИИ).
1992 жылдың 12 ақпан – Қызылорда агроөнеркәсіп өндірісі инженерлері институтына оқытушы-профессорлар және студенттер ұжымының ұсынысымен, сондай-ақ қала жұртшылығының қолдауымен мемлекеттік сыйлықтың лауреаты, екі мәрте Социалистік Еңбек Ері Ыбырай Жақаевтың есімі берілді.
1996 жылдың 7 мамыры – Ыбырай Жақаев атындағы Қызылорда агроөнеркәсіп өндірісі инженерлері институты Ыбырай Жақаев атындағы Қызылорда политехникалық институты болып қайта құрылды (Ы.Жақаев атындағы ҚПТИ).
1998 жылдың 24 наурызы – Ыбырай Жақаев атындағы Қызылорда политехникалық институты Қорқыт Ата атындағы Қызылорда гуманитарлық университетімен қосылып, Қорқыт Ата атындағы Қызылорда мемлекеттік университеті болып қайта құрылды (Қорқыт Ата атындағы ҚМУ).

JoomShaper