Қош келдіңіздер!

Таңдау - Сізден,

Сапалы білім - Бізден.

Жарқын болашақ кепілі

СОҢҒЫ ЖАҢАЛЫҚТАР

Университетіміздің соңғы жаңалықтары

«Тәуелсіздік дәуірі» - бірегей тарихи құжат

2018 жылдың 7 ақпаны күні Қорқыт Ата атындағы Қызылорда мемлекеттік университетінің ғылыми-техникалық кітапханасының №1 оқу ғимаратындағы кітапханада Қазақстан Республикасының Президенті Нұрсұлтан Әбішұлы Назарбаевтың тәуелсіздігіміздің 26 жылдығына орай жазылған «Тәуелсіздік дәуірі» - «Эра независимости» атты тарихи шежіре кітабын оқырмандарымыз студент-жастарға таныстыру шарасы өтуде.

Осы іс-шараға арнап «Тәуелсіздік энциклопедиясы» атты кітап көрмесі және көрме жанындағы әңгіме ұйымдастырылды. Бөлім меңгерушісі Р.Т.Доспаева оқырмандарға «Бұл кітап – менің ұлы қол¬-даушым, кемел келешегіне өзінің қазақстандық жолымен қарыштаған жасампаз хал¬қыма арналады» деп, басталатын кітаптың алғы сөзінен бастап бүкіл мазмұнын баяндап берді. «Тәуелсіздік дәуірі» кітабы 4 бөлім, 31 тақырыпша, 506 беттен тұрады. Еңбек 2 тілде жарық көрген. «Мемлекетіміздің дүниеге келуі. Қазақстанның бірінші жаңғыруы» тақырыбына арналған алғашқы бөлім 1991-1995 жылдар аралығындағы тарихи оқиғаларды қамтиды. Ал, екінші бөлім «Ұлы бетбұрыс» деп аталса, «Қазақстанның екінші жаңғыруы» тарауында 10 жылдағы елдің даму барысы баяндалады. Келесі бөлімінде «Қалыптасқан мемлекеттің» міндет-мақсаттары тізбектелген. Сондай-ақ, тарихи туындыда егемендік алған 26 жылдағы 33 нәтиже жазылған. Олардың ерекшелерін атап өтетін болсақ, Тәуелсіз Қазақстанды әлем мойындады. Қазақстан ядролық сынақ алаңын жапқан бірінші ел болды. Бас шаһар «Астана» қаласы бой көтерді. Елдің экономикасы артты. Қазақстан бірнеше ірі халықаралық ұйымдардың мүшесі болып қана қоймай, төрағалық ету құрметіне ие болды. «Рухани жаңғыру» үдерісіне жол ашылды. Ең елеулі де ерекше шара «ЭКСПО» халықаралық көрмесінің елдің мәртебесін арттырып, мерейін өсірді. Кітап туралы көзқарастарын еліміздің белгілі қоғам және мемлекет қайраткерлері мен ғалымдары, көшбасшы жастар білдіруде. Соның ішінде біздің университеттің ғалымдары да үн қосып, өз пікірлерін баспасөз беттеріне жариялады. Атап айтқанда оқу орнының ректоры, профессор Қ.А.Бисенов, «Филология, құқық және тарих» факультетінің деканы С.Тайман, профессорлар М.Караманова, М.Ансатова т.б., еліміздің бас газеті «Егемен Қазақстан» мен «Казахстанская правда» және жергілікті «Сыр бойы», «Кызылординские Вести» мерзімді басылымдарына мақалаларын жариялап, «Еліміздің өткені мен болашағына көз жүгірткен Елбасы орын алған оқиғаларға нақты талдау жасай отырып, жарқын болашаққа жол сілтеуде. «Тәуелсіздік дәуірі» кітабы - елдің болашақта қандай қағидаттарға сүйену керектігін көрсетіп берген бірегей туынды»-, деп атап көрсетті. Қоғам қайраткері М.Құл-Мұхаммедтің сөзімен айтқанда, Елбасымыздың жүрек төріндегі толғаныстарынан шыққан бұл кітапты бәріміздің қасиетті Отанымыз Қазақстан Республикасының негізін қалаған Тұңғыш Президентіміздің өз қолымен жазылған «Тәуелсіздік энциклопедиясы» деп атауға толық негіз бар. Тарихи туындымен таныстыру іс-шарасы өз жұмысын жалғастыруда.

Хабарландыру

Талапкер - 2017

Университет тарихы

Университетіміздің тарихы

Қорқыт Ата атындағы Қызылорда мемлекеттік университеті

Университет тарихы

Қазақстан Республикасы Үкіметінің 1998 жылдың 24 наурызындағы №256 қаулысымен Қорқыт Ата атындағы Қызылорда гуманитарлық университеті мен Ыбырай Жақаев атындағы Қызылорда политехникалық институты қосылып, Қорқыт Ата атындағы Қызылорда мемлекеттік университеті болып қайта құрылды.

Қорқыт Ата атындағы Қызылорда гуманитарлық университеті

1937 жыл – Қиыр Шығыстағы Корей педагогикалық институтының Қызылордаға қоныс аударуы негізінде Қызылорда педагогикалық институты ашылды.
1937-1941 жылдар – Қызылорда педагогикалық институтымен бірге мұғалімдер институты қатар жұмыс істеді.
1941-1945 жылдар – Қызылорда педагогикалық институтының негізінде осында қоныс аударған Киев және Харьков университеттері жұмыс істеді.
1952 жыл – Қызылорда педагогикалық институтына Н.В.Гогольдің есімі берілді.
1992 жыл – Н.В.Гоголь атындағы Қызылорда педагогикалық институты Қорқыт Ата атындағы Қызылорда педагогикалық институты болып қайта аталады.
1993 жыл – Қорқыт Ата атындағы Қызылорда педагогикалық институты жанынан қазақ-түрік лицейі ашылды.
1994 жыл – Қорқыт Ата атындағы Қызылорда педагогикалық институты жанынан «Қабілет» мектеп-гимназиясы ашылды.
1996 жылдың 7 мамыры – Қорқыт Ата атындағы Қызылорда педагогикалық институты Қорқыт Ата атындағы Қызылорда гуманитарлық университеті болып қайта құрылды.
1998 жылдың 24 наурызы – Қорқыт Ата атындағы Қызылорда гуманитарлық университеті Ыбырай Жақаев атындағы Қызылорда политехникалық институтымен бірігіп, Қорқыт Ата атындағы Қызылорда мемлекеттік университеті болып қайта құрылды (Қорқыт Ата атындағы ҚМУ).

Ыбырай Жақаев атындағы Қызылорда политехникалық институты

1976 жылдың 13 шілдесі – Қызылорда қаласында Жамбыл гидромелиоративтік-құрылыс институтының филиалы ашылды (ЖГМҚИ).
1990 жылдың 15 қарашасы – Жамбыл гидромелиоративтік-құрылыс институтының Қызылорда филиалы Қызылорда агроөнеркәсіп инженерлері институты болып қайта құрылды (ҚАӨИИ).
1992 жылдың 12 ақпан – Қызылорда агроөнеркәсіп өндірісі инженерлері институтына оқытушы-профессорлар және студенттер ұжымының ұсынысымен, сондай-ақ қала жұртшылығының қолдауымен мемлекеттік сыйлықтың лауреаты, екі мәрте Социалистік Еңбек Ері Ыбырай Жақаевтың есімі берілді.
1996 жылдың 7 мамыры – Ыбырай Жақаев атындағы Қызылорда агроөнеркәсіп өндірісі инженерлері институты Ыбырай Жақаев атындағы Қызылорда политехникалық институты болып қайта құрылды (Ы.Жақаев атындағы ҚПТИ).
1998 жылдың 24 наурызы – Ыбырай Жақаев атындағы Қызылорда политехникалық институты Қорқыт Ата атындағы Қызылорда гуманитарлық университетімен қосылып, Қорқыт Ата атындағы Қызылорда мемлекеттік университеті болып қайта құрылды (Қорқыт Ата атындағы ҚМУ).

JoomShaper