Әскери кафедра

 

Увайдаев Нұрсейт Өтегенұлы  - подполковник, әскери кафедра жетекшісі

Қазақстан Республикасы Үкіметінің 1999 жылдың 1 қыркүйегінде шыққан №1282 қаулысын жүзеге асыру мақсатында Қазақстан Республикасы Қорғаныс Министрінің 1999 жылдың 29 қарашасындағы №190 және Білім және ғылым министрінің №57 бірлескен бұйрығына сәйкес 2000-2001оқу жылынан бастап аймақтың тарихында Қорқыт Ата атындағы Қызылорда мемлекеттік университеті құрамында бірінші рет әскери кафедра ашылды. Запастағы офицерлер бағдарламасы бойынша әскери дайындық Қазақстан Республикасының жұмылдыру резервін қалыптастыру, білім алушы жастар арасында әскери патриоттық жұмысты жүргізу, сондай-ақ ҚР Қарулы Күштері офицерлер құрамының лауазымдарын қосымша жасақтау мақсатында алатын жоғары кәсіптік білім негізінде әскери-есептік мамандықтар бойынша жүзеге асырылады. 

Қорқыт Ата атындағы ҚМУ жанындағы әскери кафедра студенттерін әскери даярлау ісі келесі әскери-есеп мамандықтары бойынша запастағы офицерлерді даярлау бағдарламасы бойынша жүргізіледі:

1. Қаржылық қамтамасыз ету.

2. Жалпыәскери бөлімшелерді, бөлімдерді және құрылымдарды жауынгерлік қолдану.

3. Аумақтық қорғанысты жоспарлау және ұйымдастыру.

4. Ұйымдастыру-жұмылдыру дайындығы. 

Студенттерді әскери дайындау қосымша оқыту түрі болып табылады және теориялық және практикалық оқу курстарынан тұрады. Әскери дайындыққа барлығы 588, оның ішінде ЖОО-дағы теориялық дайындыққа - 360 және практикалық дайындыққа - 228 академиялық сағат бөлінеді. Әскери кафедрада оқу үшін студенттерді іріктеу жыл сайын Қазақстан Республикасының Қорғаныс министрімен бекітілетін басшылық құжат және қабылдау жоспарына сәйкес конкурс негізінде жүргізіледі. Конкурсқа қатысуға конкурс өтетін жылы 24 жастан үлкен емес жастағы сотталмаған, қылмыстық жауапкершілікке тартылмаған Қазақстан Республикасының азаматтығы бар, әскери қызметке денсаулығы жағдайы жарамды ЖОО-ның бірінші курсын аяқтаған студенттер жіберіледі. 

Әскери кафедрада оқуға студенттерді іріктеу кезеңдері:

Бірінші кезең - Қазақстан Республикасы Қарулы Күштерінде әскеридәрігерлік сараптаманы жүргізу қағидалары және әскери-дәрігерлік сараптама органдары туралы Ережеге сәйкес бекітілген медициналық куәландырудан өту.

Екінші кезең - кәсіби-психологиялық тестілеу жүргізу;

Үшінші кезең - дене шынықтыру дайындығын тексеру; Медициналық куәландырудан өтпеген студенттер конкурсқа жіберілмейді.

Студенттерді кәсіби-психологиялық тестілеуден өткізуді іріктеу комиссиясы ЖОО-ның компьютерлік сыныптарында жүргізеді және ол ынталылық, стреске төзімділік, сыни тұрғыдан және логикалық ойлау деңгейін тексеруді қамтиды. Студенттердің дене шынықтыру дайындығы осы дене шынықтыру бойынша нормативтерін тапсыру нәтижелеріне сәйкес бағаланады. Конкурстық іріктеуден өткен студенттер университетте білім алудың екінші курсында кафедрада оқуға кіріседі. 

Кафедрада әскери оқытудың негізгі міндеттері мен мақсаттары - Қазақстан халқына адал, Отансүйгіштік рухта тәрбиеленген, психологиялық жағынан ұстамды, батыл, тәртіпті, мемлекеттік құпияны сақтай білетін, жоғары өнегелік - идеялық қасиеттерге, сондай-ақ, әскери уақытта ұрыс міндеттерін орындауға қажетті білімге, дағдылар мен машықтарға ие әскери даярлықтан өткен запастағы офицерлерді дайындау және университет қабырғасында білім алушы студенттер мен қаладағы орта мектеп оқушылары арасында әскери тәрбиелеу жұмысын жүргізу болып келеді. Білім алушы студенттермен жүргізілетін әскери даярлық университеттің ішіндегі ахуалға, оның тыныс-тіршілігіне оң әсер беріп келеді. Инстиуттардағы педагогикалық үдеріспен қатар жүргізілетін әскери даярлық студент жастар бойында Отансүйгіштік, адалдық, кез-келген қиындыққа мойымай қарсы тұра алатындай азаматтық қасиеттерді қалыптастыруға ықпал етеді. 

Әскери кафедраның қызметкерлерінің құрамы:

Увайдаев Нұрсейт Өтегенұлы  - подполковник, әскери кафедра жетекшісі

Ердигаликов Биболат  - отставкадағы майор, аға оқытушы , әскери кафедра басшысының орынбасары

Кенжегулов Сәкен Маратұлы - запастағы майор, аға оқытушы, цикл бастығы

Мырзагулов Араб Абжанұлы  - запастағы майор, аға оқытушы, цикл бастығы

Пазылов Нұрлыбек Жамалдинович - запастағы капитан, оқытушы

Бекенов Мирамбек Даулетбаевич - запастағы майор, оқытушы

Жарасбаев Асқар Алтынбекұлы - запастағы капитан, оқытушы

Иманов Нұржан Барлыбайұлы - зертханашы

Мәдибеков Төлеген Сәбитұлы әдіскер - нұсқаушы

Елеукеева Эльмира Берікболовна - шебер

Танатканова Бисенкүл Мыңбайқызы - аға зертханашы

Төлепов Руслан Асқарұлы - шеберхана меңгерушісі

 

Байланыс телефоны: 27-72-15

Электронды пошта: This email address is being protected from spambots. You need JavaScript enabled to view it.

JoomShaper