Қорқыт Ата атындағы ҚМУ Гуманитарлы-педагогикалық институтының тарих, археология және этнология мамандықтарының студенттері «Қызылорда облысының мемлекеттік архиві» МКМ қоғамдық-саяси тарихы бойынша филиалы мен Қазақстан тарихы және әлеуметтік-саяси ғылымдар кафедрасының бірлесіп өткізген ашық есік күніне қатысты.
Қорқыт Ата атындағы ҚМУ профессоры, химия ғылымдарының кандидаты Нұрбол Аппазов Португалия еліндегі Лиссабон жаңа университетінде болды.
Қызылорда облыстық жастар саясаты мәселелері басқармасының тікелей қолдауымен, Қызылордада алғаш рет жас кәсіпкер Айгүл Абдрасулдың Talent's academy – ның ашылуына орай өткізілген «Сыр елі – таланттардың мекені» атты облыстық жас ақындар мүшәйрасы өтті.
Қорқыт Ата атындағы Қызылорда мемлекеттік университетінің «Business Start» инновациялық жобаларды жүзеге асыру орталығы мен Қызылорда облысы жастар мәселелері басқармасының бірлесіп ұйымдастыруымен «Kyzylorda Business Hub» облыстық жастардың стартап жобалар байқауы өтуде.
Түркия Астанасы Анкара қаласында «Eco-El» білім беру институтының ұйымдастыруымен «Ортақ мұра: Орта Азия және Ауғанстан, Пәкістан, Иран мен Түркиядағы мәдени-тарихи байланыстар» атты екі күндік симпозиум өтті.
Нұр-Сұлтан қаласында Туризмнің белсенді түрлерінің техникасы мен тактикасы бойынша ІІ Республикалық студенттік олимпиада өтті. Л.Н.Гумилев атындағы Еуразия ұлттық университеті Экономика факультетінің «Туризм» кафедрасы ұйымдастырған шараға еліміздің жоғары оқу орындарында «Туризм» мамандығы бойынша білім алып жатқан жастар қатысты.
7-161
Университетіміздің тарихы
Университет тарихы
Қазақстан Республикасы Үкіметінің 1998 жылдың 24 наурызындағы №256 қаулысымен Қорқыт Ата атындағы Қызылорда гуманитарлық университеті мен Ыбырай Жақаев атындағы Қызылорда политехникалық институты қосылып, Қорқыт Ата атындағы Қызылорда мемлекеттік университеті болып қайта құрылды.
Қорқыт Ата атындағы Қызылорда гуманитарлық университеті
1937 жыл – Қиыр Шығыстағы Корей педагогикалық институтының Қызылордаға қоныс аударуы негізінде Қызылорда педагогикалық институты ашылды.
1937-1941 жылдар – Қызылорда педагогикалық институтымен бірге мұғалімдер институты қатар жұмыс істеді.
1941-1945 жылдар – Қызылорда педагогикалық институтының негізінде осында қоныс аударған Киев және Харьков университеттері жұмыс істеді.
1952 жыл – Қызылорда педагогикалық институтына Н.В.Гогольдің есімі берілді.
1992 жыл – Н.В.Гоголь атындағы Қызылорда педагогикалық институты Қорқыт Ата атындағы Қызылорда педагогикалық институты болып қайта аталады.
1993 жыл – Қорқыт Ата атындағы Қызылорда педагогикалық институты жанынан қазақ-түрік лицейі ашылды.
1994 жыл – Қорқыт Ата атындағы Қызылорда педагогикалық институты жанынан «Қабілет» мектеп-гимназиясы ашылды.
1996 жылдың 7 мамыры – Қорқыт Ата атындағы Қызылорда педагогикалық институты Қорқыт Ата атындағы Қызылорда гуманитарлық университеті болып қайта құрылды.
1998 жылдың 24 наурызы – Қорқыт Ата атындағы Қызылорда гуманитарлық университеті Ыбырай Жақаев атындағы Қызылорда политехникалық институтымен бірігіп, Қорқыт Ата атындағы Қызылорда мемлекеттік университеті болып қайта құрылды (Қорқыт Ата атындағы ҚМУ).
Ыбырай Жақаев атындағы Қызылорда политехникалық институты
1976 жылдың 13 шілдесі – Қызылорда қаласында Жамбыл гидромелиоративтік-құрылыс институтының филиалы ашылды (ЖГМҚИ).
1990 жылдың 15 қарашасы – Жамбыл гидромелиоративтік-құрылыс институтының Қызылорда филиалы Қызылорда агроөнеркәсіп инженерлері институты болып қайта құрылды (ҚАӨИИ).
1992 жылдың 12 ақпан – Қызылорда агроөнеркәсіп өндірісі инженерлері институтына оқытушы-профессорлар және студенттер ұжымының ұсынысымен, сондай-ақ қала жұртшылығының қолдауымен мемлекеттік сыйлықтың лауреаты, екі мәрте Социалистік Еңбек Ері Ыбырай Жақаевтың есімі берілді.
1996 жылдың 7 мамыры – Ыбырай Жақаев атындағы Қызылорда агроөнеркәсіп өндірісі инженерлері институты Ыбырай Жақаев атындағы Қызылорда политехникалық институты болып қайта құрылды (Ы.Жақаев атындағы ҚПТИ).
1998 жылдың 24 наурызы – Ыбырай Жақаев атындағы Қызылорда политехникалық институты Қорқыт Ата атындағы Қызылорда гуманитарлық университетімен қосылып, Қорқыт Ата атындағы Қызылорда мемлекеттік университеті болып қайта құрылды (Қорқыт Ата атындағы ҚМУ).
