Талапкерлер назарына!

Қорқыт Ата атындағы Қызылорда мемлекеттік университетінің Төретам кентінде орналасқан «Байқоңыр» оқу орталығы Арал, Қазалы, Қармақшы аудандарында, Байқоңыр қаласы мен Төретам кентінде тұратын, техникалық және кәсіптік білім (колледжден кейін), жоғары білім негізінде сырттай қысқартылған оқу бағдарламасымен университетте қашықтықтан оқыту технологиясы арқылы білім алуға ниет білдірген талапкерлерге оқуға қабылдау сұрақтары бойынша кеңес беру және олардан құжаттар қабылдау қызметін ұсынады.
Оқу орталығы техникалық және кәсіптік білімі бар, кешенді тестілеу тапсырып, межелік балл алған талапкерлер мен жоғары білімі бар азаматтарды ақылы негізде 2018 жылғы 25 тамызға дейін университетке оқуға қабылдайды.
Қазақстан Республикасының Білім және ғылым министрлігі, Білім және ғылым саласындағы бақылау комитетінің 11.12.2012ж. берілген №12019394 лицензиясы.
«Байқоңыр» оқу орталығының мекен жайы: Төретам кенті, Ғ.Мұратбаев көшесі 1 үй, №85 орта мектеп. Телефон номері: 8-701-7247014, 8-778-2994092

 

 



Хабарландыру!

2018 жылғы 23 мамырда Қызылорда облыстық «Рухани жаңғыру орталығы» және Қорқыт Ата атындағы Қызылорда мемлекеттік университетінің ұйымдастыруымен «Жаңа гуманитарлық білім. Қазақ тіліндегі 100 жаңа оқулық» жобасы аясында жуырда ғана жарық көрген 18 оқулықты таныстыру мақсатында «Әлемдік білім кеңістігіндегі жаңа оқулықтар маңызы» атты облыстық ғылыми-әдістемелік конференция өткізіледі.

Конференция Қорқыт Ата атындағы Қызылорда мемлекеттік университетінің Студенттер сарайында (Ы.Жақаев көшесі, 75), сағат 11:00 басталады.

 

 



Хабарландыру!

2018 жылдың 27 сәуір күні Қорқыт Ата атындағы Қызылорда мемлекеттік университеті Польша мемлекетінің Лимнологиялық Қоғамы ғалымдарының университетке іс сапары аясында «Лимнологияның қазіргі өзекті мәселелері» атты Халықаралық семинар өткізеді.

Семинар өтетін уақыты, орыны: бас оқу ғимараты, мәжіліс зал, 11:00

 

 

Құрметті студенттер, магистранттар және докторанттар!


Академиялық ұтқырлық бағдарламасы бойынша 2018-2019 оқу жылында Еуропа елдерінің университеттерінде Қазақстан Республикасы Білім және ғылым министрлігінің гранты негізінде 1-семестр бойы оқу үшін конкурс жарияланады. Конкурсқа 2-3 курс студенттері, 2 курс магистранттары және 1-2 курс докторанттары қатыса алады.

Конкурсқа қатысушыларға қойылатын талаптар:

1.  Ағылшын тілінің деңгейі «Intermediate Level» (орташа деңгейі) немесе IELTS/TOEFL тесттерін  тапсырғандығы жөнінде сертификаттың болуы;
2. Орташа балл GPA 3,3 немесе үлгерімі 85%-дан төмен емес болу керек.

Іріктеу комиссиясымен қаралатын құжаттар тізімі:

1. Ректордың атына өтініш;
2. Паспорт және жеке куәлік көшірмелері;
3. Өткен семестр/лер бойынша транскрипт көшірмесі;
4.Студент/магистрант/докторанттың оқитындығы туралы анықтамасы;
5. Қазақ/орыс және ағылшын тілдерінде жазылған мотивациялық хат;
6. Шетелге шығатын студенттің анкетасы (тіркелген);
7. IELTS/TOEFL сертификатының көшірмесі (болған жағдайда).
Конкурс ағылшын тілінен жазбаша тест түрінде және әңгімелесу-интервью түрінде (ауызша тест) өткізіледі.

Құжаттар 2018 жылдың 30 сәуіріне дейін халықаралық байланыстар бөліміне өткізілу керек.
Мекен-жайы: Әйтеке би көшесі 29-А, бас оқу ғимараты, 2 қабат, 212 кабинет, байланыс телефоны: 26-17-25

 

JoomShaper