Жаңа оқу жылы, жаңа бастамалар. Жаратылыстану институтының ұйымдастыруымен «Сағына күткен күн» атты концерттік шара болып өтті. Шарада жазғы демалыс уақытыннан кейін жаңа оқу жылына тың серпінмен оралған жоғарғы курс студенттері бірінші курс білім алушыларымен басқосып, студенттік өмірдің қызығы туралы әңгімеледі.
Аймақта «Қорқыт және Ұлы дала сазы» халықаралық фольклорлық-музыкалық өнер фестивалі өтуде. Осы шара аясында бүгін Қорқыт ата атындағы Қызылорда мемлекеттік университетіне РФ Қазан мемлекеттік институты, «музыкалық аспаптарды орындау» кафедрасының профессоры, Татарстан республикасының халық әртісі Расим Ильясов және аталмыш университеттің баян аспабының шебері Наиль Сагдиев университетте қонақта болды.
Қорқыт Ата атындағы Қызылорда мемлекеттік университетінің Фкс-18-2 оку тобынын студенті Виктор Гуревнин Актөбе қаласында өткен Қазақстан Республикасынын Параолимпиада ойындары чемпионатында алтын медаль иегері атанды.
Қорқыт Ата атындағы Қызылорда мемлекеттік университеті Рухани жаңғыру бағдарламасы аясында көрнекті қоғам және мемлекет қайраткері Мұстафа Шоқай ескерткішіне тағзым жасалды. Шараның негізгі мақсаты ақиқат жаршысы, ұлт жанашыры бола бiлген ерекше тұлғаға құрмет көрсету.
Қорқыт Ата атындағы Қызылорда мемлекеттік университетінде бірінші курс студенттеріне жастар ұйымдарын таныстыру кеші өтті.
Қорқыт Ата атындағы Қызылорда мемлекеттік университетінің ғылыми-техникалық кітапханасы халықаралық «Жанашыр» қоғамдық қорымен бірлесе «Рухани жаңғыру» бағдарламасын ілгерілету мақсатында оқырмандар арасында буккроссинг өткізуде.
1-150
Университетіміздің тарихы
Университет тарихы
Қазақстан Республикасы Үкіметінің 1998 жылдың 24 наурызындағы №256 қаулысымен Қорқыт Ата атындағы Қызылорда гуманитарлық университеті мен Ыбырай Жақаев атындағы Қызылорда политехникалық институты қосылып, Қорқыт Ата атындағы Қызылорда мемлекеттік университеті болып қайта құрылды.
Қорқыт Ата атындағы Қызылорда гуманитарлық университеті
1937 жыл – Қиыр Шығыстағы Корей педагогикалық институтының Қызылордаға қоныс аударуы негізінде Қызылорда педагогикалық институты ашылды.
1937-1941 жылдар – Қызылорда педагогикалық институтымен бірге мұғалімдер институты қатар жұмыс істеді.
1941-1945 жылдар – Қызылорда педагогикалық институтының негізінде осында қоныс аударған Киев және Харьков университеттері жұмыс істеді.
1952 жыл – Қызылорда педагогикалық институтына Н.В.Гогольдің есімі берілді.
1992 жыл – Н.В.Гоголь атындағы Қызылорда педагогикалық институты Қорқыт Ата атындағы Қызылорда педагогикалық институты болып қайта аталады.
1993 жыл – Қорқыт Ата атындағы Қызылорда педагогикалық институты жанынан қазақ-түрік лицейі ашылды.
1994 жыл – Қорқыт Ата атындағы Қызылорда педагогикалық институты жанынан «Қабілет» мектеп-гимназиясы ашылды.
1996 жылдың 7 мамыры – Қорқыт Ата атындағы Қызылорда педагогикалық институты Қорқыт Ата атындағы Қызылорда гуманитарлық университеті болып қайта құрылды.
1998 жылдың 24 наурызы – Қорқыт Ата атындағы Қызылорда гуманитарлық университеті Ыбырай Жақаев атындағы Қызылорда политехникалық институтымен бірігіп, Қорқыт Ата атындағы Қызылорда мемлекеттік университеті болып қайта құрылды (Қорқыт Ата атындағы ҚМУ).
Ыбырай Жақаев атындағы Қызылорда политехникалық институты
1976 жылдың 13 шілдесі – Қызылорда қаласында Жамбыл гидромелиоративтік-құрылыс институтының филиалы ашылды (ЖГМҚИ).
1990 жылдың 15 қарашасы – Жамбыл гидромелиоративтік-құрылыс институтының Қызылорда филиалы Қызылорда агроөнеркәсіп инженерлері институты болып қайта құрылды (ҚАӨИИ).
1992 жылдың 12 ақпан – Қызылорда агроөнеркәсіп өндірісі инженерлері институтына оқытушы-профессорлар және студенттер ұжымының ұсынысымен, сондай-ақ қала жұртшылығының қолдауымен мемлекеттік сыйлықтың лауреаты, екі мәрте Социалистік Еңбек Ері Ыбырай Жақаевтың есімі берілді.
1996 жылдың 7 мамыры – Ыбырай Жақаев атындағы Қызылорда агроөнеркәсіп өндірісі инженерлері институты Ыбырай Жақаев атындағы Қызылорда политехникалық институты болып қайта құрылды (Ы.Жақаев атындағы ҚПТИ).
1998 жылдың 24 наурызы – Ыбырай Жақаев атындағы Қызылорда политехникалық институты Қорқыт Ата атындағы Қызылорда гуманитарлық университетімен қосылып, Қорқыт Ата атындағы Қызылорда мемлекеттік университеті болып қайта құрылды (Қорқыт Ата атындағы ҚМУ).
